महोत्तरी । ‘स्थानीय निर्वाचन २०७९’ बैशाख ३० गते निर्वाचन भएको मतको नतिजा मटिहानी नगरपालिका वार्ड न.७ सम्मको मतगणना सम्पन्न भएको छ।
मटिहानीको वडा ५ सम्ममा जसपाको मेयरको मतमा अग्रता देखिदै आइरहेको थियो। मटिहानीका वडा ६ मा आउने बित्तिकै एक्कासि प्रतिद्वन्दी लोसपाका मेयरको मत बढिरहेको देख्दा स्थानीयलाई सुरक्षाको कमि हुन थालेको छ।
मटिहानीमा गोप्य धान्धली रुपमा एकै पेटिकालाई बारम्बार मतगणना गरिरहेको स्थानीयले आरोप लगाउदै पुन:मतगणना गराउन माग गरेका छन् । निर्वाचन अधिकृत, प्रशासन र पुर्व मेयर हरि प्रसाद मण्डलको मिलोमतोमा मटिहानी नपाका वडामा मतगणनामा बारम्बार एकै पेटिकालाई गणना गरिने हुँदा गडबडी भइरहेको नेताकार्यकर्ता र स्थानीयको पूरा शंका रह्दै आएको छ। निर्वाचन मतगणनामा सुरक्षा अन्योल भएको नेताहरूले बताएका हुन् ।
मटिहानी वडाको मतपेटिकामा स्वास्तिक छाप एकै पार्टीको मात्रै आउने जब कि त्यो वडामा हरेक पार्टीका मत रहदै आएको छ। मटिहानीका मेयर उम्मेदवार नेकपा एमालेका हेमचन्द्र यादव, नेपाली काङ्ग्रेसका राम पदार्थ साह, माओवादी केन्द्रका कमलेश मण्डल, मो. मोजिबुल रहमान, जनमत पार्टी लगायतका पार्टी मेयर उम्मेदवार प्रतिनिधिहरुले आरोप लगाउदै मटिहानीका ६ वडा देखि ९ सम्म पुन: मतगणना गराउन माग गरेका हुन् ।
