जनकपुरधाम,३फागुन । यातायात व्यवस्था कार्यालय जनकपुरबाट दुई बिचौलियालाई प्रहरीको फन्दामा परेको छ।
पक्राउ पर्नेमा महोत्तरीको लोहरपट्टी नगरपालिका-३ का ३३ वर्षीय अनिल साह र महोत्तरीकै एकडारा गाउपालिका-३का ३५वर्षीय विरेन्द्र साह रहेको जिल्ला प्रहरी कार्यालय धनुषाका प्रवक्ता डिएसपी वेद प्रसाद गौतमले बताए ।
उनले यातायात व्यवस्था कार्यालय जनकपुरमा आउने सेवाग्राहीहरूलाई काम छिटो छरितो गराइदिन्छु भनि आर्थिक लाभ लिई बिचौलियाको काम गरिरहेको छ भन्ने गोप्य सूचनाका आधारमा खटिएको प्रहरी टोलीले पक्राउ गरेको बताए।
बुधबार यातायात कार्यालयमा सेवाग्राहीहरूसँग बार्गेनिङ गरिरहेको अवस्थामा उनीहरूलाई पक्राउ गरिएको प्रहरीले जनाएको छ।पक्राउ परेका यादवमाथि थप अनुसन्धान भइरहेको जिल्ला प्रहरी कार्यालय धनुषाले जनाएको छ।
यसअघि प्रहरीले यातायात व्यवस्था कार्यालय र जिल्ला प्रशासन कार्यालय धनुषामा बिचौलियाको काम गर्ने व्यक्तिहरूलाई पक्राउ गरेको थियो।
