जनकपुरधाम ।संघिय मामिला तथा सामान्य प्रशासन मन्त्री अनिता साहले विकासको नाममा दलगत स्वार्थभन्दा माथी उठ्न आग्रह गरेकी छन् ।
कपिलेश्वरनाथ युवा कमिटीले विजयदशमी, दिपावली तथा छठ पर्वको अवसरमा आयोजना गरेको शुभकामना आदान प्रदान कार्यक्रममा बोल्दै मन्त्री साहले दलगत स्वार्थभन्दा माथी उठेर काम नगरेसम्म विकास असम्भव रहेको बताए ।
उनले देश विकासका लागि दलहरु बिच मात्रै नभई स्थानीय, प्रदेश तथा संघ सरकार बिच आपसी समन्वय हुनु आवश्यक रहेको बताइन् ।बिना रोडमैप तयार गरी भईरहेको विकास निर्माण अहिलेको समयमा काम नलाग्ने रहेको उनको भनाई थियो ।
दिगो विकासका लागि सबै तहको सरकारसंग समन्वय गरी रोडमैप तयार गरेर मात्रै विकास निर्माण तर्फ केन्द्रित हुनुपर्नेमा मन्त्री साहको जोड थियो ।
कार्यक्रममा प्रदेशसभा सदस्य जनकपुर विकास प्राधिकरणको बजेट नगरप्रमुखको गैरजिम्मेवारीका कारण फ्रिज भएको आरोप लगाए । उनले एकै दिन विरगंज र जनकपुर दूबै ठाउँका लागि १६÷१६ करोड रकम खाता पठाइयो, विरगंजले त्यसको सदुपयोग गर्यो तर जनकपुरधाम उपमहानगरको त्यो बजेट फ्रिज भएकोमा आक्रोश व्यक्त गरे ।
लोसपाका महासचिव एवं पूर्व प्रदेशसभा सदस्य परमेश्वर साहले संघियतामाथी चौतर्फी प्रहार भईरहेको बताउँदै संघियताको रक्षाका लागि सबै एक हुनुपर्नेमा जोड दिए । उनले संघियताकै कारण पछिल्लो केही वर्षमा विकासका कामहरु भएको दावी गर्दै यसको रक्षा नभए यस क्षेत्रको विकास पनि सम्भव नहुने तर्फ सचेत गराए ।
कपिलेश्वरनाथ युवा कमिटीका अध्यक्ष मनोज साहको अध्यक्षतामा भएको शुभकामना आदान प्रदान कार्यक्रममा जनकपुरधाम उद्योग वाणिज्य संघका अध्यक्ष जितेन्द्र महासेठ, पूर्व अध्यक्ष प्रकाशचन्द्र साह लगायतले शुभकामना मन्तव्य राखेका थिए ।
