सिरहा : सिरहाको औरही गाउँपालिकालाई जनमत पार्टीद्वारा किसानका लागि गहुँ बिउ र मल खाद्य समयमा आपूर्ति गरि वितरण गर्न ध्यानाकर्षण गराएको छ।
तराईका किसानहरु अहिले धान काटेर भित्राउने र गहुँ छर्ने सुरसारमा छन् । तर पालिकाले किसानका लागि अनुदानमा गहुँ खरिद गरि वितरण गर्न रु.८,००,००० (अक्षरेपी आठ लाख )रकम छुट्याइए पनि गहुँ खरिदको कुनै पनि प्रक्रिया शुरु नगरी ढिलासुस्ती गरीरहेकोले ध्यानाकर्षण गराएको जनमत पार्टीका औरही गाउँपालिका अध्यक्ष रामभुवन यादवले जानकारी गराउनु भयो।
यस अघि पनि पालिकाले वितरण गर्न ढिलाइ गर्ने गरेको , सिजनमा वितरण नगर्नाले किसान मार्कामा पर्ने गरेकोले यस पटक किसानहरुलाई सुबिधा होस् भनेर समयमै वितरण गर्न जनमत पार्टी ध्यानाकर्षण गराएको हो। जनमत पार्टी किसानहरुको हकअधिकारका लागि निरन्तर संघर्ष गर्दै आएको पनि छ। करिब दुई वर्ष अगाडि जनमत पार्टीकै नेतृत्वमा सिरहाको औरही गाउँपलिका बाटै किसान आन्दोलनको शुरूवात भएको थियो ।
गहुँको बिउ वितरणमा नै लफडा भएपछी तत्कालीन पालिका अध्यक्षले स्थानीय चार जना किसान उपर मुदा दायर पक्राउ गर्न लगाएपछि आन्दोलनको शुरूवात भएको थियो । जनमत पार्टीको नेतृत्वमा पालिकाबाट शुरु भएको आन्दोलन देशै भरी फैलिएको थियोे । उनीहरुकै दवाब पछि पक्राउ परेका किसानहरुलाई रिहाई समेत भएको थियो।
