३० आषाढ २०८१, आइतबार
14-07-2024 , Sun
×

सभामुख मण्डलले प्रदेश सभालाई बनाए कार्यकर्ता भर्ती केन्द्र

Logo
न्यूज मधेश प्रकाशित मंगलबार, पुष ०३, २०८०

जनकपुरधाम। मधेश प्रदेशका सभामुख रामचन्द्र मण्डलले अवैध रुपमा राखेका कर्मचारीहरुको तलब सेवा सुविधा कटौती गरिएको छ ।

दरबन्दी भन्दा बढी कर्मचारी राखेका सभामुखको सचिवालयले सेवा सुविधा प्रदान गर्न लेखा र सचिवलाई दवाव दिँदा दिन नमान्दा सभामुख मण्डल कर्मचारीहरुबाट असन्तुष्ट भएका छन् ।

दरवन्दी भन्दा बढी कार्यकर्ताहरुलाई सेवा सुविधा दिन सभामुख मण्डल कर्मचारीहरुलाई दबाब दिँदै आएका छन् । तर, कर्मचारीहरुले भने अर्थमन्त्रालयवाट स्वीकृत बजेट अनुसार तलब सुविधा मात्र दिन सक्ने भने पछि सभामुख आक्रोशित समेत भएका छन् । तर, अर्थ मन्त्रालयले भने सभामुखलाई कर्मचारी संख्या कम गरी सेवा सुविधामा कटौती गर्न भनेका छन् ।

स्रोतका अनुसार अर्थ मन्त्री संजयकुमार यादवले गत असारमै कर्मचारी कटौती गर्न आग्रह गरिसकेका छन् तर प्रदेश सभामा अहिले पनि उनका पार्टीका कार्यकर्ता सचिवालयमा बस्दै आएका छन् । एक कर्मचारीका अनुसार गत आर्थिक वर्षमा के भयो हामीलाई थाहा छैन् तर, चालु आर्थिक वर्षमा दरबन्दी भन्दा बढी कर्मचारीहरुको सेवा सुविधाहरु कटौती गरिएको छ ।

सभामुख मण्डलले आफ्नो निजी सचिवालयमा आफ्ना ज्वाईसँगै पार्टीका नेता कार्यकर्तालाई भर्तीका केन्द्र बनाएपछि अर्थ मन्त्रालयसंग टकरावको अवस्था आएको छ । ९ जनाको दरवन्दी रहेको सभामुखको सचिवालयमा करिव १५ जना कार्यरत रहेका छन् । सभामुख सवैलाई धैर्य धारण गर्नकालागि भनि रहेका छन् । तलब सेवा सुविधा प्राप्त नगर्नेहरु पटक पटक पेट्रोल माग्ने, भत्ता माग्ने लगायतका तनाव कर्मचारीहरुलाई दिने गरेका छन् ।

सभामुख मण्डल माओवादी केन्द्रमा हुँदा इमान्दार नेताको रुपमा चिन्हिने गरेका थिए । तर, नेकपा एमालेवाट गत प्रदेशसभाको निर्वाचनमा निर्वाचित भएपछि सभामुख बन्न सफल भएका थिए । उनमा परिवारवाद र नातावाद कृपावाद नरहेको बताउँदै उनकै पार्टीका एक नेताले भने– ‘सवैलाई इमान्दारीको प्रवचन दिने सभामुख मण्डल आफ्नै ज्वाईलाई लाखौं रुपैयाँको फाइदा गराउँदै नातावाद कृपावादमा लागेका छन् ।’ विभिन्न मञ्चमा सभामुखले दिने गरेको अभिव्यक्ति र प्रयोगात्मक जिवनमा अकाश पतालको फरक रहेको ती नेताले बताए ।

सभामुख मण्डलको जनकपुरधाममै घर हुँदा हुँदै उनी प्रदेश सभाको क्वाटरमा बस्ने गरेका छन् । प्रदेश सभा सदस्यहरुका लागि जनकपुरधाममा घर भएकाहरुलाई क्वाटर नदिने नलिने आपसी सहमति भए पनि सभामुख क्वाटर कव्जा गरेर बसेका छन् । सेवा सुविधाको नाउँमा रहेको हरेक सेवा सुविधा लिने गरेका छन् । आफ्ना परिवार संगै क्वाटरमा बस्दै आएका सभामुख मण्डललाई अर्थ मन्त्रालयले बजेट कटौती समेत गरेको अर्थमन्त्रालय स्रोतले जानकारी दिएका छन् ।

कमेन्ट गर्नुहोस्
सम्बन्धित

जनकपुरधाम । मधेस प्रदेशसभाको शनिबारको बैठकबाट मुख्यमन्त्री तथा अर्थमन्त्री सतिशकुमार सिंहले पेस गरेको आर्थिक विधेयक, २०८१ सर्वसम्मतिले पारित भएको छ । मुख्यमन्त्री सिंहले बजेट बनाउन थोरै समय पाएका कारण करका विषयमा समीक्षा समेत गर्न नसकिएको बताए । उनले प्रदेश सरकारको आम्दानी बढाउन विज्ञसँग परामर्श गरेर अगाडि बढ्ने जानकारी गराए । शनिबार बैठकमा छलफलका क्रममा उठाइएका […]

सिरहा । सिरहाको चोहर्वामा सर्पको डसाइबाट एक महिलाको मृत्यु भएको छ । सर्लाहीको पर्सा गाउँपालिका सङग्रामपुर घर भई सिरहाको गोलबजार नगरपालिका–८ चोहर्वा बस्दैआएकी ३० वर्षीया रोशिना खातुनको शुक्रबार मृत्यु भएको हो । चुलोबाट खरानी निकाल्ने क्रममा खातुनलाई सर्पले डसेको हो । उनको उपचारका क्रममा कर्जन्हास्थित फूलकुमारी महतो मेमोरियल अस्पतालमा मृत्यु भएको जिल्ला प्रहरी कार्यालयले जनाएको […]

काठमाडौँ । जनमत पार्टीले नारायणगढ–मुग्लिन सडकको सिमलतालमा आज बिहान भएको बस दुर्घटनाप्रति दुःख व्यक्त गरेको छ । सो पार्टीका राष्ट्रिय प्रवक्ता एवं डा शरदसिंह यादवले आज एक विज्ञप्ति जारी गर्दै सडक सुरक्षालाई पहिलो प्राथमिकतामा राख्न प्रशासनसँग आग्रह गरे। “नारायणगढ–मुग्लिन सडकको सिमलतालको पहिरोमा परी काठमाडौँबाट गौरतर्फ जाँदै गरेको र वीरगञ्जबाट काठमाडौँ आउँदै गरेको यात्रुवाहक बस आज […]