०२ साउन २०८१, बिहिबार
18-07-2024 , Thu
×

सतिश सरकारलाई काँग्रेस र लोसपा बाहिर रहेर पनि समर्थन कायम राख्ने मुडमा

Logo
न्यूज मधेश प्रकाशित मंगलबार, आषाढ २५, २०८१

जनकपुरधाम ।मधेश प्रदेशमा सत्ताको नेतृत्व गर्ने दल जनमत पार्टी र सरकारमा सहभागी हुन खोजेका दलहरूबीचको सहमति कार्यान्वयन नभए नेपाली काँग्रेस र लोकतान्त्रिक समाजवादी पार्टी(लोसपा) नेपाल सरकार बाहिर रहेर समर्थन गर्ने भएका छन् ।

काँग्रेस संसदीय दलका अनुसार निर्धारित चार मन्त्रालयमा दुई क्याबिनेट र दुई राज्यमन्त्रीसहित सरकारमा सहभागी गराउने प्रतिबद्धताविपरीत जनमत पार्टीले अर्थ मन्त्रालय आफैँ राख्ने तथा पार्टीबाट थप एक मन्त्री बनाउने प्रस्ताव ल्याएपछि सत्ता समीकरणले पूर्णता पाउन नसकेको हो ।

यता लोसपा नेपाल संसदीय दलले समेत केन्द्रीय तहमा भएको सहमतिअनुसार मुख्यमन्त्री सतिशकुमार सिँहले दुई मन्त्रालय दिन नखोजेपछि पार्टीलाई सरकारमा जान असहज भएको जनाएको छ ।

नेपाली काँग्रेस मधेशका सभापति एवम् मधेश प्रदेश संसदीय दलका नेता कृष्णप्रसाद यादवले यथास्थितिमा काँग्रेस सरकारमा सहभागी नहुने बताए । उनले पूर्वसहमतिअनुसार जनमत पार्टीले अर्थ, जलस्रोत, सिँचाइ तथा खानेपानी, भूमि व्यवस्था, कृषि तथा सहकारी र श्रम तथा यातायात वा उद्योग, वाणिज्य तथा पर्यटन गरी चार मन्त्रालय माग गरेको र त्यसमा अर्थ मन्त्रालय दिन मुख्यमन्त्री सिँहले नमानी अर्थ आफैँ राख्ने जानकारी गराएपछि आफूहरू सरकारमा सहभागी नभएको बताए ।

‘सहमतिअनुसार मन्त्रालय नदिइए हामी सरकारमा जाँदैनौँ । मुख्यमन्त्रीलाई विश्वासको मत दिइसकेका छौँ । अहिले भने सरकार बाहिरबाटै समर्थन गर्नेछौँ,’ यादवले भने ।लोसपा नेपाल संसदीय दलका उपनेता उपेन्द्र महतोले दुई मन्त्रालय आफूहरूको बटमलाइन भएको र त्यसअनुसार नभए सरकारलाई बाहिरबाटै समर्थन दिने जनाए ।

‘दुई मन्त्रालय दिने कुरामा जनमत पार्टी सहमत नभए हामीसँग सरकारलाई बाहिरबाटै समर्थन दिने कि प्रतिपक्षमा बस्ने दुई विकल्प रहन्छ । त्यस्तो भए अहिलेलाई भने हामी सरकार बाहिर बसेर सरकारलाई समर्थन गर्ने पक्षमा छौँ,’ उनले भने ।

संसदीय दलका नेता महतोले जुनसुकै अवस्थामा पनि आफूहरू काँग्रेस र एमाले गठबन्धनको निर्णयसँगै जाने उल्लेख गरे ।

काँग्रेस र लोसपाले मुख्यमन्त्री सिँहले काँग्रेसलाई अर्थमन्त्री नदिने र लोसपालाई एकमात्र मन्त्रालय मात्र दिने अडान लिएपछि सरकार गठन प्रक्रिया अनिर्णित बनेको आरोप लगाउँदै आएका छन् ।

तर, मुख्यमन्त्री सिँहले काँग्रेस लागि मन्त्रालयको सँख्यामात्र तोकिएको र मन्त्रालय बाँडफाँटका बारेमा प्याकेजमै सहमति गर्नुपर्ने आफूले दलहरूलाई भनेको बताए । उनले प्याकेजमै सहमति हुँदा सबै दलका लागि सहज हुने हुँदा त्यस्तो कुरा गरेको प्रस्ट्याए ।

मुख्यमन्त्री सिँहले सरकारमा दलीय सहभागिताको विषय केन्द्रीय तहमा पुगिसकेकाले त्यहाँबाट हुने निर्णयअनुसार नै सरकार गठन प्रक्रियाले पूर्णता पाउने जानकारी दिए ।

कमेन्ट गर्नुहोस्
सम्बन्धित

काठमाडौँ । हाल देशभर मनसुनी वायुको प्रभाव रहेको तथा मनसुनको न्यून चापीय रेखा भने सरदर स्थानको दक्षिण तर्फ रहेको जल तथा मौसम विज्ञान विभागले जनाएको छ । देशभर साधारणतया बदली रही गण्डकी, कोशी, बागमती लुम्बिनी, मधेस, कर्णाली र सुदुरपश्चिम प्रदेशका एक–दुई स्थानहरुमा हल्कादेखि मध्यम वर्षा भइरहेको छ । विभागका अनुसार आज दिउँसो देशभर आंशिकदेखि साधारणतया […]

जनकपुरधाम । धनुषा तथा महोत्तरीमा रासायनिक मल अभाव नरहेको कृषि सामग्री कम्पनी लिमिटेडले जनाएको छ । उक्त कार्यालयका प्रमुख बेचनकुमार साहका अनुसार मलको पर्याप्त मौज्दात रहेको तथा सहकारी संस्थामार्फतढुवानी तथा बिक्रीवितरण भइरहेको छ । दुवै जिल्लामा सम्बन्धित नगरपालिका तथा गाउँपालिकाले निर्धारण गरेको ‘कोटा’अन्तर्गत सहकारी संस्थामार्फत मल बिक्रीवितरण हुने प्रावधान छ । सोहीअनुसार मल वितरण गरेको […]

वीरगञ्ज । वीरगञ्ज महानगरपालिका–१६ नगवास्थित फूलबारी टोलकी प्रतिमा महतो पटक–पटक आफ्नो पति जवाहीर महतोलाई सम्झेर भक्कानिएर रुँदै आइरहनुभएको छ। उहाँको पति जवाहीर महतोले चलाएको बागमती प्रदेश ०३ ०१–०० ख १५१६ नम्बरको एञ्जल डिलक्स रात्रिबस गत शुक्रबार बिहानीपख भरतपुर महानगरपालिका–२९ सिमलताल नजिकै पहिरोमा परेर बेपत्ता भएको खबर सुनेसँगै प्रतिमाको अवस्था भने झन्झन् नाजुक बन्दै गइरहेको छ […]