न्यूजमधेश समाचारदाता,खजुरी ।धनुषाको जनकनन्दिनी गाउँपालिका वडा नंं ४ स्थित रहेको के.एस.एस.बि. उच्च मावि खजुरीको भवनको पर्खाल भत्किंदा एक जना विद्यार्थीको मृत्यु भएको छ।
त्यसमा च्यापिएर एक बालिका गम्भिर घाईते भएकी हुन् । विद्यालयमा पढन गएकी ती बालिका पढदै गर्दा पर्खाल ढल्दा त्यसमा च्यापिएर तत्कालै मृत्यू भएको प्रत्यक्षदर्शीहरुले बताएपनि चिकित्सक र प्रहरीले त्यसलाई भने पुष्टि गरेको छैन । सो घटनामा एक अन्य विद्यार्थी गम्भिर घाईते समेत भएको छ ।
जनकनन्दिनी गाउँपालिका वडा नं. ४ बस्ने राजकुमार सदाकी अन्दाजी बर्ष ७ की सँसना सदा उपर पर्खाल ढल्दा उनको मृत्यू भएको उक्त विद्यालयका ११ कक्षामा अध्यनरत विद्यार्थी राधेश्याम राउतले जानकारी दिएको छ।
तर यता प्रहरीले अचेत मात्रै भएको तथा गम्भिर घाईते भएर उपचारको लागि जनकपुर अञ्चल अस्पताल पठाएको जानकारी दिएको छ । सोही घटनामा अन्दाजी बर्ष ६ का मोहम्मद समिर साफी समेत गम्भिर घाईते भएको ईलाका प्रहरी कार्यालय खजुरीले जनाएको छ ।
