जर्ज बर्नाड श नाटककार, राजनीतिज्ञ, विश्लेषक आदि रुपले चिनिने बहुमुखी प्रतिभा भएका प्रसिद्ध व्यक्ति हुन् । उनको जन्म सन् १८५६ मा आयरल्याण्डमा भएको थियो।
बर्नाड श सधै व्यस्त रहन्थे। व्यस्त रहने ती बर्नाडलाई एक दिन एक महिलाले आफ्नो घरको विशेष समारोहमा निम्ता गरिन्। व्यस्त बर्नाडले जेनतेन निम्तामा जाने समय निकाले। तर, कामबाट फर्किएर लुगा फेरेर चिटिक्क परेर जाने समय उनलाई थिएन। कामबाट नै यत्तिकै उनी हतार हतार ती महिलाले निम्ता गरेको ठाउँमा पुगे ।
सुरुमा त ती महिला बर्नाडलाई देखेर निकै खुशी भइन् । किनकी बर्नाड समाजमा चिनिएका व्यक्ति थिए र उनी समारोहमा पुग्नु प्रतिष्ठाको विषय थियो। तर, ती महिलाले अचानक अँध्यारो अनुहार पार्दै भनिन् , ” तपाईं हाम्रो पार्टीमा यस्तो लुगा लगाएर आउनुभएको ?” बर्नाडले भने, ” माफ गर्नुहोला, कामबाट नै आएको र लुगा फेर्ने समय नभएकोले म यत्तिकै आएँ। तपाईंहरुलाई नराम्रो लाग्यो भने ठिकै छ, म अर्को लुगा फेरेर आउंछु “। त्यसपछि बर्नाड गए।
केहीछिनपछि बर्नाड महंगा लुगा लगाएर, चिटिक्क परेर समारोहमा देखिए । ती महिला निकै खुशी भइन् । त्यसको केहि क्षणपछि बर्नाड खानेकुराहरु प्लेटमा लिएर उभिएका थिए, तर ती खानेकुराहरुले उनले आफ्ना लुगाहरुमा दल्दै थिए। यस्तो देखेपछि, कसैले सोध्यो , ” के गर्नुभएको ?” बर्नाडले उत्तर दिए , ” यहाँ मलाई निम्ता गरिएको होइन, मेरा लुगा र मेरो पदलाई निम्ता गरिएको हो। यहाँको खाना उसैले खानुपर्छ जसले निम्ता पाएको छ । ” यो सुनेपछि ती महिलाले आफ्नो गल्तीको महसुस गरिन्।
व्यक्तिको बाहिरि आवरण भन्दा ठूलो, उसको स्वच्छ मन हो। पद र वस्त्र केवल खोल हुन्। कुनै पनि व्यक्तिलाई मूल्यांकन गर्दा उसको बाहिरि आवरबाट होइन, उसको भावना, विचार र व्यवहारबाट गरौँ।
