न्यूजमधेश समाचारदाता
जनकपुरधाम,२९मंसिर।धनुषाको महेन्द्रनगर बम विष्फोटको घटनामा मृत्यू भएका मृत आत्माको चिर शान्तिको कामना गर्दै दिपप्रज्वलन गरिएको छ ।
आज जनकपुरको जनकचौक स्थित युथ एसोसिएसन अफ नेपाल (यान ) र जिल्ला युवा संजाल धनुषाको अगुवाइमा मृतआत्माको चिर शान्ति र घाइतेहरुको सिघ्र स्वाथ्यलाभको कामना गर्दै दिपप्रज्वलन गरिएको हो ।
जिल्ला युवा संजाल धनुषाका महासचिव कुलदिप साह,संजालका सदस्य राहुल साह र यानका कोषाध्यक्ष नेमत खान र सचिव पप्पु राई ,राहुल मण्डल ,कुश यादव, सुजित साह लगायत युवाहरुको उपस्थितीमा दिपप्रज्वलन गर्दै १ मिनट मौनधारन गरेको थियो ।
क्षिरेश्वरनाथ नगरपालिका ५ महेन्द्रनगर स्थित निकि मेडिकल हल संचालन गर्दै आएको क्षिरेश्वरनाथ उद्योग वाणिज्य संघको साधारण सदस्य रहेको राजेश साहको घरमा मंसिर २७ गते राति करिब १२ बजे भएको विस्फोटमा साह सहित निजका छोरा आनन्द साह तथा इलाका प्रहरी कार्यालय महेन्द्रनगरका प्रहरी निरिक्षक अमिर कुमार दहालको मृत्यू भएको छ भने ५ जना घाइते भएको छन ।
युथ एसोसिएसन अफ नेपालका सदस्य शिवा सिंहले मानवता विरोधी निन्दनीय काम गर्नेहरुको खोज अनुसन्धान गरी दोसीलाई कडा भन्दा कडा करवार्हीको माग गरेको छ।
