मनोज बनैता
सिहरा,६ पुस।प्रदेश २ का उधोग, पर्यटन, वन तथा बातावरण राज्यमंत्री सुरेश मण्डलले सिरहामा ‘न्यानो पारौं’ अभियान शुरु गरेका छन । अभियानको शुरुवात गर्दै मन्त्री मण्डलले उक्त अभियानमा लागि पीडितलाई राहत दिन प्रदेशका सम्पूर्ण डिभिजन बन कार्यालयका अधिकारीसंग अनुरोध गरेका छन् ।
मन्त्री मन्डल आफु पनि सिरहाको विभिन्न ठाउमा पुगेर दाउरा बितरणमा सहयोग पुर्याएका छन । पैदल यात्री तथा दुई पाङ्ग्रे सवारी चालकलाई मध्ये नजर गरि सिरहा जिल्लाको विभिन्न चोकमा आगो बाली राहत प्रदानको काममा सरिक भएका छन । केही दिन देखिको लगातार जारी शितलहरका कारण मधेसको जनजीवन असाध्यै कष्टकर बनेको भन्दै राज्यमंत्री मण्डलले यस्ता अभियान शुरु गरेको उनी बताउँछन् । उनले बिभिन्न निकायसँग समन्वय गरी आफुसँग भएका श्रोत साधन समेत परिचालन गरी ‘न्यानो बाँडौ’ अभियानमा तदारुकताका साथ नेतृत्वदायी भूमिका निर्वाह गर्न वन अधिकारीहरुसंग आग्रह गरेका छन् ।
राज्यमंत्री मण्डल ‘न्यानो बाँडौ’ अभियानमा सम्पूर्ण डिभिजन बन कार्यालय, त्यसका प्रमुखलगायत सम्पूर्ण कर्मचारीहरुलाई दत्तचित्त भई लाग्न अनुरोध सामाजिक संजाल फेसबुक मार्फत गरेका छन् ।
