०५ बैशाख २०८१, बुधबार
17-04-2024 , Wed
×

महिला र बालबालिकाहरुको प्रवेशमा रोक,मुसलमानहरुको सभामा भारी भीड,टेण्ट बाहिर सहभागि

Logo
प्रकाशित आइतबार, फाल्गुण ०४, २०७६

न्यूजमधेश सम्बादाता
राजविराज,४ फाल्गुन।मुसलमानहरुको अन्तराष्ट्रिय धार्मिक सम्मेलन सप्तरी जिल्लाको बोदेबर्साइनमा शनिवारदेखि प्रारम्भ भएकोछ ।

नेपाल,भारत,बंगलादेश,पाकिस्तान लगायत कयौं देशका मुसलमानहरुको भारी सहभागिता रहेको सम्मेलनको दिल्लीबाट आएका हजरत मौलाना सादले औपचारिक रुपमा प्रारम्भ गरेका छन् ।सभा तीन दिन सम्म चल्नेछ ।

जाँजरस्थित खड्ग नदी किनारमा सभाको आयोजना गरिएको छ।कयौं लाख मुसलमानहरुको सहभागिता रहेको सभामा सहभागीहरु आउने क्रम रोकिएको छैन् ।‘सहभागीहरु आउने क्रम जारी रहेको छ’ आयोजक समितिका मोहम्द इब्राहिमले भने, ‘ आईतबापनि सहभागीहरु आउनेछन् ।’अझैपनि थुप्रै मानिसहरु बाटोमा नै रहेकाले उनीहरु आइतवार सम्म कार्यक्रम स्थलमा पुग्ने उनले बताए ।

भारतबाट मानिसहरुलाई ओसार्न दुई दर्जन बससंचालन गरिएको छ । भारतीय सीमाबाट उनीहरुलाई कार्यक्रम स्थल सम्म ल्याउने गरिएकोछ ।

शनिबार सभास्थलमा तयार पारिएको टेन्टमा सहभागी अटाउन नसक्दा अधिकांस सहभागि खुल्ला आकाशमुनी नवाज पढे । उनीहरु बाहिरै बसेर प्रवचन समेत सुने ।

सभास्थलमा महिला र बालबालिकाका प्रवेशलाई निषेध गरिएको छ । महिला र बालबालिका भित्र प्रवेश गर्ने प्रयासगर्दा स्वयंसेवकहरुले उनीहरुलाई बाहिरबाटै फर्काउने गरेको आयोजकहरुले जनाए ।

नेपाल र भारतीय मुसलमानहरुको मात्र सहभागिता रहने बताइएपनि पाकिस्तान, बंगलादेश लगायत कयौं मुलुकबाट भारी संख्यामा सहभागिहरु आएका छन् ।

संघीय सरकारले कार्यक्रममा रोक लगाएपनि शुक्रबार प्रधानमन्त्री केपी शर्मा ओलीको निर्देशनमा सभा संचालन गर्न गृहमन्त्रालयले अनुमति दिएको थियो । गृहले तेस्रो मुलुकबाट आएकालाई फर्काउने शर्तमा अनुमति दिएको भएपनि कोहीपनि फर्केका छैनन् ।

तर सरकारको आदेश बमोजिम अन्य देशबाट आएकालाई फर्काइएको मुस्लिम आयोगका अध्यक्ष समीम अन्सारीले बताए ।

मुस्लिम धर्माम्बलीको धार्मिक सभामा औपचारिक रुपमा उद्घाटन र भाषण नगरि सोझै प्रवचनबाट नै कार्यक्रमको शुभारम्भ गरिएको थियो ।

धार्मिक प्रवचनमा सहभागी हुन भारतको राजधानी दिल्लीबाट आएका हजरत मौलाना साद मुख्य प्रवचनकर्ता रहेको अन्सारीले बताए ।

साद जमात विश्वका अध्यक्ष समेत हुन् । उनीसँगै नेपाली जमातका अध्यक्ष निसारुद्दिनको पनि सहभागिता रहेको छ ।

सभास्थलामा केहि सय बिघा जमिनमा टेन्ट,शौचालय निर्माण गरिएको छ । सभा स्थल आसपास एक लाखभन्दा बढी ठूला, मझौला तथा साना सबारीसाधन पार्किङ्ग गरिएको छ ।

सवारीसाधनको व्यवस्थापन गराउन आयोजकले आफ्नै जनशक्ति परिचालन गरेकोछ । सभास्थलमा स्वास्थ्य शिबिरका साथै खाने प्रबन्ध मिलाइएको छ । कतिपय सहभागीहरु आफैं ग्यास सिलिण्डर, चूल्होसहितका खाद्य सामग्री बोकेर ल्याएका छन् ।उनीहरुलाई सुत्नका लागि सोही ठाउँमा छुट्टाछुट्टै टेन्ट निर्माण गरिएको छ ।

सभास्थल आसपास सुरक्षाकर्मी पनि ठूलो संख्यामा परिचालन गरिएको छ । नेपाल तथा सशस्त्र प्रहरी ठूलो संख्यामा परिचालन गरिएको सप्तरीका एसपी कृष्ण प्रसाइले जनाए ।

मुस्लिम समुदायले धार्मिक सभा आयोजना गरेको बोदे बर्साइन नगरपालिका क्षेत्रमा मदिरा बिक्री, बितरणमा रोक लगाइएको छ ।

नगरपालिकाले सभा हुने समय तीन दिन सम्मकै लागि बोदे बर्साइन बजार तथा आसपासका क्षेत्रमा मदिरा बिक्री, बितरण र प्रयोगमा रोक लगाएको हो ।

मुख्यमन्त्री राउतपनि सहभागि

मुस्लिम धार्मिक सभाबारे प्रदेश २ का मुख्यमन्त्री लालबाबु राउतपनि कार्यक्रममा सहभागि भए । शनिबार राति सभास्थलमा आइपुगेका मुख्यमन्त्री राउतले सभाको बिषयमा चासो राखेको आयोजकले जनाएको छ ।

मुख्यमन्त्री राउत राति आएर मुस्लिम आयोगका अध्यक्ष समीम अन्सारीसहित आयोजकका पदाधिकारी एवं अगुवासँग छलफल गरे । मुख्यमन्त्री राउतले सहभागीहरु ठूलो संख्यामा रहेकाले कसैलाई कुनै किसिमको समस्या हुन नदिन ध्यान दिनुपर्नेमा जोड् दिए ।

कमेन्ट गर्नुहोस्
सम्बन्धित

काठमाडौं। जनता समाजवादी पार्टी (जसपा) नेपालले वर्तमान गठबन्धन सरकारमा सहभागी हुने मन्त्रीलगायत मुलुकको समसामयिक विषयमा विचार-विमर्श गरेको छ। पार्टीको आज बसेको कार्यकारिणी समिति बैठकले सरकारमा सहभागी हुने मन्त्री तथा सरकारमा सहभागी हुँदा पार्टीको मुद्दा र अडानबारे पार्टीका नेताहरुबीच छलफल गरेको हो। बैठकमा मधेस प्रदेश सरकारको सुनिश्चिततालगायत विषयमा नेताहरूले आफ्नो धारणा राखेको जसपाका प्रवक्ता मनिष सुमनले […]

महोत्तरी । महोत्तरीको रातु खोलामा भएको अवैध उत्खनन रोकिनुपर्ने माग राखेर सर्वोच्च अदालत पुगेका बर्दिबासका नागरिकको मागलाई अदालतले अनुमोदन गरेको छ । निवेदकहरूले पेस गरेको प्रमाणलाई आधार बनाएर आज सर्वोच्च अदालतले उत्खनन कार्यलाई तत्काल रोक्न अन्तरिम आदेश जारी गरेको हो । अधिवक्ताहरू पदमबहादुर श्रेष्ठ, राजु फुयाँल, सुधनराज आचार्य, बिष्णुकुमार थोकर र सुदिपकुमार भुजेलले गरेको बहसमा […]

जनकपुरधाम। धनुषा र सिरहा जोड्ने कमला नदीमा झोलुङ्गे पुलको निर्माण कार्य सम्पन्न भएको छ । निर्माण कार्य सम्पन्न पश्चात् पूजापाठ गरेर शनिबारबाट आवतजावत खुला गरिएको छ । सिरहाको सिरहा नगरपालिका १३, मलहनियाँ र धनुषाको जनकनन्दिनी गाउँपालिका ६, कठाललाई जोड्न निर्माण भएको सो झोलुङ्गे पुल एक हजार ५०१ मिटर लामो र चार फिट चौडाइ रहेको छ […]