न्यूजमधेश सम्बादाता
गरुडा,१७ फाल्गुण । जनमत पार्टीका अध्यक्ष डा. सिके राउतले उनले नेपाली काँग्रेस र नेकपालाई ‘म्याद गुज्रेको औषधी’ को संज्ञा दिएका छन् । मधेशवादी दललाई लक्षित गर्दै आएका डा. राउतले नेकपा र नेपाली काँग्रेसलाई म्याद नाघेको औषधीको संज्ञा दिएका हुन् ।
रौतहटको गरुडा नगरपालिकास्थित श्रीराम सुगर मिल्सको प्राङ्गनमा जनमत पार्टीले आयोजना गरेको नगर स्तरी आमसभालाई सम्बोधन गर्दै अध्यक्ष डा. राउतले मधेशवादी दलहरुले विभिन्न चरणमा आन्दोलन गरे, दर्जनौ मधेशी सपुतहरुले मधेश आन्दोलनमा सहादत प्राप्त गरे पनि मधेश शासक वर्गबाट मुक्ती प्राप्त गर्न नसकेको बताए ।
मधेशी जनताको हक र अधिकार प्राप्त गर्न जनमत पार्टीको स्थापना गरिएको उनले थपे । डा. राउतले काँग्रेस,नेकपा, राजपा र समाजवादी लगायतका दलहरुले मधेशी जनताहरुलाई अधिकार दिलाउने नाउँमा ठग्दै आइरहेको आरोप लगाए । मधेशी समुदायबाट भोट लिने, विभिन्न दलको निमार्ण गर्ने, विभिन्न किसिमको आश्वासन दिदै युवाहरुलाई रोजगारीको नाउँमा खाडी मुलक पठाउने जस्ता सतासिन दलहरुले गरिरहेको बताए ।
अगामी निर्वाचनमा जनमत पार्टी विजयी भएमा सबै भन्दा पहिलो निःशुल्क शिक्षाको व्यवस्था गर्नुको साथै बेरोजगारी अन्त गर्ने प्रमुख एजेण्डा आफ्नो पार्टीको रहेको डा. राउतले बताए । देशमा भएका पार्टीहरु पटक पटक सत्तामा पुग्न मेधेशी जनताहरुलाई भोट बैंक बनाउने तर सत्तामो गएपनि मधेश र मधेशीहरुमाथी दोश्रो दर्जाको नागरिक सरह व्यवहार गर्दै आएकोले त्यस्ता पार्टीहरु परित्याग गरी नयाँ पार्टीको रुपमा स्थापित जनमत पार्टीमा लाग्न डा. राउतले आग्रह गरेको थियो ।
कार्यक्रममा पार्टीको केन्द्रिय सदस्य एवम् जिल्ला अध्यक्ष विरेन्द्र साह लगायतका वक्ताहरुले आ आफ्नो मन्तव्य राख्दै पटक पटक धोखा दिदै आइरहेको पार्टीहरुबात सचेत हुन् आग्रह समेत गरेका थियो ।
