न्यूजमधेश सम्बादाता
जनकपुरधाम,१७ फाल्गुण।जनकपुरधाममा प्रदेशस्तरीय वक्तृत्वकला प्रतियोयगिता सम्पन्न भएको छ।शिक्षाको रुपान्तरणमा युवाको भूमिका’’ विषयमा वक्तृत्वकला प्रतियोगिता बिहिबार सम्पन्न भएको हो ।
राष्ट्रिय युवा परिषद र सामाजिक विकास मन्त्रालय प्रदेश नम्बर २ ले विहीबार आयोजना गरेको वक्तृत्वकला प्रतियोगितामा धनुषा, महोत्तरी,सर्लाही, सप्तरी, रौतहट, बारा र पर्सा जिल्लाले सहभागिता जनाएका थिए।
राष्ट्रिय युवा परिषद सदस्य तथा प्रदेश संयोजक पिंकी कुमारी साहको अध्यक्षतामा सम्पन्न भएको प्रतियोगितामा प्रमुख अतिथि सामाजिक विकास मन्त्री नवल किशोर साह रहेको थियो ।वक्तृत्वकलाको निर्णायक मण्डलमा सामाजिक विकास मन्त्रालयका उपसचिव महेन्द्र महतो,जनकपुरधामस्थित रामस्वरुप रामसागर बहुमुखि क्याम्पसका सह प्रध्यापक डा.बिनोद साह र संकट मोचन देवशरण रामरति उच्च मा.वि.का प्रधानाध्यापक बलराम साह रहेका थिए।
प्रतियोगितामा बाराकी निक्की कुमारी साह भएकी थिईन ।उनले प्रमाणपत्र सहित नगद २० हजार प्राप्त गरेकी छिन्।दोश्रो रौतहटकी सुप्रिया कुमारी गुप्ता छिन। उनले प्रमाणपत्र सहित नगद १५ हजार प्राप्त गरेकी छन्।तेश्रो हुनेमा धनुषाका कृष्णा साह रहेका छन्। उनले प्रमाणपत्र सहित नगद १० हजार प्राप्त गरे।
त्यसैगरी प्रतियोगितामा सहभागि प्रभाकर साह, रवि पाण्डे,सौरभ देव र निशा गुप्तालाई प्रमाण पत्र प्रदान गरिएको थियो ।कार्यक्रमको उद्घोषण सामाजिक विकास मन्त्रालयका शिक्षा अधिकृत लक्ष्मण महराले गरेका थिए ।
जनकपुरधामस्थित संकट मोचन देवशरण रामरति माध्यमिक विद्यालयमा आयोजना गरिएको कार्यक्रममा राष्ट्रिय युवा परिषद्का सदस्यहरु, विद्यालयका शिक्षक शिक्षिका तथा विद्यार्थीहरुको सहभागिता रहेको थियो ।
