न्यूजमधेश सम्बादाता
जनकपुराधाम ,२ चैत्र । प्रदेशमा सुशासन ल्याउन र गलत काम गर्नेलाई कार्वाहीको दायरामा ल्याउन नै यो विधेयक ल्याइएको मुख्यमन्त्री लालबाबु राउतले बताएका छन् । विधेयक उपर सांसदहरुले राखेको प्रश्नको जवाफ दिदैं मुख्यमन्त्री राउतले यो विधेयकबाट कसैलाई त्रसित बन्न नहुने बताए ।
‘यो विधेयकबाट कसैलाई डराउनुपर्देन’ उनले भने “काम गर्दा आचरण सफा राख्ने, अनियिमतता नगर्ने, पारदर्शिता अपनाउनेका लागि यो विधेयक केहि गर्देन् ।”
गल्ती गर्ने मुख्यमन्त्री, मन्त्री, सचिव, प्रदेश सांसदसहित जोकोहि पनि कार्वाहीको भागिदारी हुने उनले बताए ।
उनले स्वतन्त्र, निष्पक्ष व्यक्तिलाई सुशासन आयोगका पदाधिकारीमा चयन गरिने बताए । मुख्यमन्त्री राउतले भने, “कुनै पनि निर्णय कार्यान्वयन नगर्ने व्यक्तिहरुलाई पनि यो आयोगका पदाधिकारीले कार्वाही गर्न सक्छन् ।”
कुनै पनि सरकार यस्तो विधेयक ल्याउन प्रयास नगरेको बताउँदै मुख्यमन्त्री राउतले विधेयकमा भ्रष्टाचार तथा ढिला सुस्ती नियन्त्रणको लागि उच्च स्तरीय सुशासन आयोगको व्यवस्था गरिएको बताए ।
