न्यूजमधेश सम्बादाता
जनकपुरधाम,१३ चैत्र। कोरोना संक्रमणबाट बच्न सरकारले लक डाउन लगाएको तेस्रो दिनसम्म पनि सर्वसाधारणले त्यसको अवज्ञा गर्न छाडेका छैनन् । धनुषाबाट तेस्रो दिन पनि लक डाउनको अवज्ञा गर्ने ६६ जनालाई पक्राउ गरिएको छ ।
धनुषा प्रहरीका प्रबक्ता एवं डिएसपी रामेश्वर कार्कीले लक डाउनको अवज्ञा गर्ने एक बस, २ अटो रिक्सा र २० मोटरसाइकलसहित ६६ जनालाई पक्राउ गरिएको हो ।
बाहिर निस्केका ६६ जनालाई नियन्त्रणमा लिएर प्रति व्यक्तिसँग रु एक सयका दरले जरिवाना लिई छाडिएको उनले बताए ।
यस्तै, लक डाउनको उल्लंघन गर्ने सबारीसाधन आवश्यक कार्वाहीका लागि प्रहरी कार्यालयहरुमा राखिएको कार्कीले जानकारी दिए ।
