मनोज बनैता, सिरहा, १३ बैशाख । प्रधानमन्त्री केपी शर्मा ओलीले मन्त्रिपरिषद् बैठकमार्फत् अचानक २ अध्यादेश पारित गरी राष्ट्रपतिमार्फत् जारी गराएपछि देशमा राजनैतिक तरङ्ग उत्पन्न भएको थियो मधेश केन्द्रित दलले त्यसको कडा आलोचना समेत गर्दै आएका थिए । हालै बसेको मन्त्रीपरिषदको बैठकमा ल्याईएका अध्यादेश फिर्ता गर्ने निर्णय गरिएको छ ।
जनता समाजवादी पार्टीका युवा नेता राजु गुप्ताले न्युज मधेश संग कुरा गर्दै भने कि ‘लामो समयपछि राजनीतिक स्थिरताको संकेत देखिन सुरु हुन लागेकै बेला राजपा र संघिय समाजवादी पार्टी बिच एकता हुनु आफैमा एक ऐतिहासिक निर्णय हो ।’
गुप्ताले भने कि अब सबै राजनीतिक दल, नेताहरु र लोकतन्त्रवादीहरु एकजुट भएर जानू उत्तम उपाय हो । गुप्ताले अर्को पार्टीलाई धरापमा पार्ने गरी ल्याउन लागिएको अध्यादेशले सबैभन्दा बढी नेकपालाई नै घाटा भयो र त्यसकारण निर्णय बाट पछि परेको हो । उनले भने कि नेकपाले आफ्नै खुट्टामाथी बन्चरो ले हानेछ ।
