मनोज बनैता
सिरहा, १७ बैशाख । महामारीको रुपमा फैलिएको कोरोना भाइरस बाट बच्नको लागि सरकारले लगाएको लकडाउनका कारण धनुषाकी एक महिला भिख मागेर छोराछोरी पालिरहेकी खबर पाएलगतै सामाजिक अभियन्ता सरोज कुमार मण्डलले राहत लिएर उनको घर पुगेका छन ।
धनुषाको धनौजी गाउँपालिका वडा नं. २ धनौजी बस्ने बर्ष ५५ की कुमारी देवी साह लकडाउनका कारण काम नपाएर छाक टार्न समस्या भएपछी सामाजिक अभियन्ता मण्डलले १ सय किलो चामल, ५ किलो दाल , २५ किलो आलु , ३ लिटर खाने तेल , २ किलो प्याज ,५ पैकेट नुन ,६ -६ पिस साबुन ,१ किलो खुर्सानी, १ किलो बेसारको धुलो, १ किलो धनीयाको धुलो लगाइतका खाने सामग्रीहरु दिएको छ ।
सामाजिक अभियन्ता मण्डलले भने ‘अहिले विश्व कोरोनाको त्रासमा रहेको अवस्था जनाप्रतिनिहरु राहतको नाउमा राजनैतिक रोटी सेक्ने काम गरिरहेका छन ।
भोटरहरुलाई राहत दिई वास्तविक पीडितलाई बेवास्ता गर्नुले यिनीहरूको नैतिकता र मानवता माथि ठूलो प्रश्न चिन्ह खडा गरेको छ ।’
