न्यूजमधेश सम्बादाता
जनकपुरधाम ,९ जेठ ।धनुषाको कमला नगरपालिका वडा नं.५ भलुवाहाको मुसहर समुदायको ७५ घरपरिवारलाई भोरले राहत वितरण गरेको छ।
कोरोना भाइरसबाट जोगिनको लागि सरकारले लकडाउन गरेपछी भलुवाहाका मुसहर समुदायलाई छाक टार्न समस्या भएपछी स्थानीय संचारकर्मी मनोज मोरबैता र सिबेन्द्र रोहिताको पहलमा गैर सरकारी संस्था भोरको सहयोगमा २३ जना गर्वती र सुत्केरी महिलालगाईत ७५ जना मुसहर समुदायलाई समाजिक दुरी कायम गरेर बिहिवार राहत वितरण गरेको थियो।
राहतमा १५ किलो चामल,१ लिटर खाने तेल, १ किलो नुन,२ किलो दाल,गेडागुडी, १ करेक अण्डा, तरकारी, फलफुल लगायतका खाद्यान्न सामग्री वितरण गरेको मोहन सादाले बताए।
लकडाउनको समयमा सुत्केरीमा कुपोषणको जोखिम नहोस् भन्ने उद्धेश्यलेपोषण प्याकेज वितरण गरेको भोरका अध्यक्ष पचु माझीले बताए ।
सो कार्यक्रम भोरका सदस्य सरोज प्रसाद दुला ,बिनय मण्डल ,स्थानीय युवा रामसागर मण्डल ,ई रितेश यादव,रंजन यादव,संजिव यादव,घुरण मण्डल लगाइएका व्यक्तिहरु रहेको थियो ।
त्यसैगरी प्रहरी चौकी बनरझुलाको असई र हवल्दार दुबै जनाले राहत वितरण कार्यक्रमलाई अतिनै सहज बनाइदिएकोमा भोरका अध्यक्ष पछु माझीले सुरक्षाकर्मीलगाईत स्थानीय बासीलाई समेत धन्यवाद ग्यापन गरेको छ।
