राकेश मैथिल
दोहा कतार ,११ जेठ ।कतारमा कोरोनाका बिरामीहरुले स्वास्थ्य लाभ गर्ने संख्या बढ्दो क्रममा रहेको छ । स्वास्थ्य मन्त्रालयले आज जारी गरेको तथ्याङ्क अनुसार पछिल्लो २४ घन्टामा ६५७ जनाले स्वास्थ्य लाभ गरेका छन ।
यस सँगै स्वास्थ्य लाभ गर्नेको कुल सङ्ख्या ९ हजार १ सय ७० पुगेको छ । आज जारी तथ्याङ्क अनुसार ३ हजार ३४९ जनामा गरिएको परीक्षणमा थप १ हजार ५०१ जनामा कोरोना भाइरसको सङ्क्रमण देखिएको छ । थप २ जना ६६ र ५३ बर्षिय नागरिकको कोरोनाका कारण मृत्यु भएको छ । यो सँगै कतारमा भाइरसबाट मृत्यु हुनेको सङ्ख्या २३ पुगेको छ भने सङ्क्रमितको सङ्ख्या ४३ हजार ७१४ पुगेको छ ।
ईदको शुभकामना
आज सम्म १ लाख ८८ हजार १ सय ४३ जनामा कोरोनाको परिक्षण गरिएको छ । ति मध्ये १ हजार ८०५ जनालाई डाक्टरहरूको निगरानीमा क्वारेन्टाइनमा राखिएको छ भने २५६ जनालाई अस्पताल भर्ना गरिएको छ । थप २४ जनासहित आइसियुमा रहने बिरामीको सङ्ख्या १८८ पुगेको छ । कुल ३४ हजार ५२१ जनाको उपचार चलिरहेको छ ।
नयाँ भेटिएका सङ्क्रमितहरू आप्रवासी तथा स्थानीय नगारिकहरु रहेको बताइएको छ । ४ लाख भन्दा बढी नेपालीहरू कार्यरत रहेको कतारमा केही सङ्क्रमित रहेका छन् भने १ जनाको कोरोनाको कारण ज्यान गएको छ । स्वास्थ्यमा कुनै समस्या भएमा मैदर, रवाद्त, उमसलाल र ग्राफामा रहेको हेल्थ सेन्टरमा गएर परीक्षण गर्न सकिने स्वास्थ्य मन्त्रालयले जनाएको छ । भाइरस सम्बन्धी कुनै लक्षण देखा परे १६००० मा सम्पर्क गर्न सकिनेछ ।
