मनोज बनैता
सिरहा, ११ श्रावण । संयुक्त एम्बुलेन्स चालक संघ नेपालले सिरहाका क्वारेन्टाइनमा खटिएका चालकहरूको लागि सेवा सुविधा माग गरेका छन । सरोकारवालालाई पटक पटक गुहार्दा पनि सकारात्मक पहल नभएको भन्दै संयुक्त एम्बुलेन्स चालक संघ नेपाल र सगरमाथा एम्बुलेन्स चालक एसोसिएसन सिरहाले संयुक्त रुपमा प्रेस बिज्ञपति निकालेका छन ।
कोरोना माहामारीको बेला दत्तचित्त भई अत्यावश्यक सेवा दिदै आएका एम्बुलेन्स चालकहरूले आफ्नो सुरक्षा लगायत सेवा सुबिधा बाट बन्चित हुनुपरेको गुनासो गरेका छन । सम्बन्धित निकाय संग पटकपटक गुहार्दा पनि कुनै किसिमको सहयोग नभएको चालक संघका केन्द्रिय सदस्य दिलिप कुमार दासले बताए । विभिन्न निकायहरुमा ज्ञापन पत्र बुझाएपनी हाल सम्म कुनै किसिमको आश्वासन नआएको जारी बिज्ञप्तीमा उल्लेख छ ।
रेडक्रस सोसाइटीले १२ श्रावण देखि पुनः क्वारेन्टाइनमा खट्नै पर्ने अन्यथा सिडियोलाई भनी सम्पुर्ण एम्बुलेन्स झिकाईदिने धम्की दिएको भन्दै सगरमाथा एम्बुलेन्स चालक एसोसिएसनका उपाध्यक्ष ओम प्रकाश महतोले असन्तुष्टि जाहेर गरेका छन । अन्य जिल्ला जस्तै सेवा सुविधा न दिए आफुहरु क्वारेन्टाइनमा सेवा दिन असक्षम हुने बिज्ञपति मार्फत खुलाईएको छ ।
उता रेडक्रस सोसाइटीको अनुसार कोभीडको -१९ कहरको बेला एम्बुलेन्स चालकहरू ले आफ्नो धर्म निर्वाह गर्नुपर्ने बताएका छन । सेवा सुविधा एम्बुलेन्स सम्बन्धितका संघ संस्थाले बेहोर्नु पर्ने भन्दै रेडक्रस सिरहाले मानव स्वास्थ संग खेलवाड नगर्न अनुरोध गरेका छन ।
