न्यूजमधेश सम्बादाता
रौतहट,९ कार्तिक । दरबन्दी अनुसारको विशेषज्ञ चिकित्सक नियुक्त गर्न माग गर्दै एच पी एस फाउन्डेसनका संयोजक हेम प्रसाद साहले रिले अनशन सुरु गरेको छ ।
फाउन्डेसन संयोजक साहका अनुसार झन्डै साढे सात लाख जनसंख्या रहेको रौतहट जिल्लाको एक मात्र जिल्ला अस्पताल रहेको छ।त्यसमा पनि सरकारले तोकेको ९ विशेषज्ञ को दरबन्दी हुँदाहुँदै एक जना मात्र विशेषज्ञ डाक्टरले सेवा दिएर जनताको ज्यानसँग खेलवाड गरेको भन्दै रिल अन्सन सुरु गरिएको हो ।
दरबन्दी अनुसारको ९ वटै विशेषज्ञ डाक्टर तत्काल जिल्ला अस्पताल रौतहट गौरमा पठाइ सेवा सुचारु गराउन एचपी एस फाउन्डेसनका संयोजक हेमप्रसाद साहको अगुवाइमा आइतबार बिहान ११ बजेदेखि अस्पतालको मुलगेटमा रिले अन्सन बसेको छ ।
जनताको स्वास्थ प्रति स्थानीय, प्रदेश तथा संघीय सरकार गम्भीर नभएकालेदवाब स्वरुप आज देखि रिले अन्सन सुरु गरिएको संयोजक साहले बताएका छन् ।
दरबन्दी अनुसारको चिकित्सक हाजिर नभए सम्म प्रत्येक दिन बिहान ११ः०० बजे देखि ४ः०० बजे सम्म जिल्ला अस्पताल गौर को गेटमा रिले अनशन जारी रहने उनको भनाइ छ ।
रौतहट जिल्ला अस्पताल गौरमा ९ जना विशेषज्ञ चिकित्सकको दरबन्दी भए पनि हाल एकजना डाक्टर कृष्ण साहले मात्र सेवा दिरहेको अन्सनमा सहभागी युवा महमद समसादले जानकारी दिएका छन् ।
