न्यूजमधेश डेस्क
जनकपुरधाम,८ पुस।जनता समाजवादी पार्टी नेपालले ७७ वटै जिल्ला सदरमुकामहरूमा आज प्रदर्शन गरेको छ।
प्रधानमन्त्री केपी शर्मा ओलीले प्रतिनिधिसभा संसद विघटन गरेको विरोधमा जसपाले प्रदर्शनसहित कोणसभा गरेको हो।
प्रधानमन्त्रीले संसद विघटन गर्नु असंवैधानिक भएको जसपाले बताउँदै आएको छ।मंगलबार बसेको केन्द्रीय कार्यकारिणी बैठकले संसद पुनर्स्थापना गर्न मागसमेत गरेको थियो।
जसपाले पुस १२ गतेसम्म विभिन्न कार्यक्रम गरी प्रधानमन्त्री ओलीको कदमविरूद्ध आन्दोलन जारी राख्ने बताएको छ।
यसैबीच आज प्रदेश २ का अस्थायी राजधानी जनकपुरधाममा प्रधानमन्त्री केपि ओली – मुर्दाबाद,रेशम चौधरीलाई रिहा गर,राष्ट्रिय घाटी केपि ओलि देश छोर,जसपा नेपाल जिन्दावादसहितका नारा लगाएको हो।
