न्यूजमधेश डेस्क
जनकपुरधाम,१२ पुस।प्रतिनिधिसभा विघटनको विरोधमा जनता समाजवादी पार्टी (जसपा)ले आइतबार जनकपुरधाममा शक्ति प्रदर्शन गरेको छ ।
जसपाको मंगलबार बसेको केन्द्रीय कार्यकारिणी समितिको बैठकले आन्दोलनका कार्यक्रम घोषणा गरेको थियो । जसअन्तर्गत पुस १० मा प्रधानमन्त्री र राष्ट्रपतिको पुत्ला दहन, पुस ११ मा मसाल जुलुस र पुस १२ मा बृहत् प्रदर्शन गर्ने कार्यक्रम तय गरेको थियो ।
पुस ५ मा प्रधानमन्त्री केपी ओलीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरेसँगै चौतर्फी विरोध सुरु भएको छ ।
जनकपुरधामको जनक चौकमा जसपाका नेता कार्यकर्ताहरु जमघट भएर राष्ट्रपति विद्यादेवि भण्डारी र प्रधानमन्त्री केपि ओलि शर्माको विरुद्धमा नाराबाजी गर्दै जकपुरको विभिन्न चौक परिक्रमा गरेर पुर्न जनक चौकमा कोणसभामा परिन्त गरेको छ।
सो कोणसभामा २ नम्बर प्रदेशका भौतिक पुर्वाधार विकास मन्त्री जितेन्द्र सोनल ,प्रतिनिधिसभा सदस्य प्रमोद साह,प्रदेश सांसद शैलेन्द्र यादव,प्रदेश सांसद चमेली देवि दास,जसपाका केन्द्रिय सदस्य संजय चौधरी ,जनकपुरधाम उपमहानगरपालिकाका मेयर लालकिशोर साह,जसपाका धनुषा उपाध्यक्ष युवा नेता सुनिल यादवलगाइतका नेता कार्यकर्ताहरुले आ-आफ्नो मन्तव्य व्यक्त गरेका हुन।
