न्यूजमधेश डेस्क
क्वालालम्पुर ,२८ पुस।मलेसियाका राजा अल सुल्तान अब्दुल्लाहले कोभिड-१९ लाई रोक्न मंगलबार देशभर आपतकालिन अवस्थाको घोषणा गरेका छन्।

कोरोना भाइरस संक्रमणलाई मध्यनजर गर्दै सो आपतकालिन स्थिति अगस्ट १ वा त्यसभन्दा अघिसम्म पनि रहन सक्ने मलेसियन सरकारद्वारा जारी एक विज्ञप्तिमा उल्लेख गरिएको छ।

अल सुल्तान अब्दुल्लाले भने, ‘कोभिड-१९ को संक्रमण ज्यादै बढेको छ। त्यसैको नियन्त्रणका लागि आपतकालिन घोषणा गरेका छौं।’

विज्ञप्तिका अनुसार प्रधानमन्त्री मुहिद्दीन यासीनले संक्रमणको संख्या रोक्न यो नै सक्रिय उपायका रूपमा रहेकाले आपतकालिन घोषणा गर्न अनुरोध गरेका थिए।

सोमबार मोहिद्दीनले देशव्यापी यात्रा प्रतिबन्ध र राजधानी क्वालालम्पुर र ५ राज्यहरुमा १४ दिने लकडाउनको घोषणा गरे। यहाँ दैनिक नयाँ संक्रमणको संख्या बढ्दै गइरहेको छ।

गत हप्ता पहिलोपटक ३ हजारमा कोरोना संक्रमण पुष्टि भएको छ। यो सँगै कोरोना भाइरस संक्रमितको संख्या १ लाख ३८ हजार रहेको छ भने ५ सय ५५ जनाको मृत्यु भएको छ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक  :मनोज कुमार मोरबैता
सम्पादक : मनोज बनैता
वरिष्ठ सल्लाकार : बिपी साह
वरिष्ठ सल्लाकार : श्रवण देव
वरिष्ठ सल्लाकार : सन्तोष जादब

सम्पर्क

सम्पर्क कार्यालय :जनकपुरधाम ( भानु चौक )
सम्पर्क : ९८४४५२०३२० ,९८०७७४९०००
ईमेल : [email protected]

Copyright © 2018-2021 News Madhesh