न्यूजमधेश डेस्क
काठमाडौं ,२९ पुस। नेकपा ओली समूहका नेताहरूले निर्वाचन आयोगलाई आसन्न मध्यावधि चुनावका कार्यक्रमलाई नरोक्न आग्रह गरेको छ । बुधबार आयोगकै कार्यालयमा पुगेर ओली समूहका नेताहरूले निर्वाचनका कार्यक्रम नरोक्न आग्रह गरेका हुन् ।
आयोगमा ओली समूहका महासचिव एवं अर्थमन्त्री विष्णु पौडेल, गृहमन्त्री रामबहादुर थापा, स्थायी कमिटी सदस्य सुवास नेम्वाङ, उर्जामन्त्री टोपबहादुर रायमाझीलगायत गएका थिए ।
आफ्नो पार्टीसँग माग गरेका डकुमेन्ट बुझाउनका लागि आयोगको कार्यालय गएका उनीहरूले बताएका छन् ।
प्रथम अध्यक्ष र महासचिव रहेको पार्टी नै आधिकारिक भएकाले आफूहरूले आयोगलाई निर्वाचनका कार्यक्रम नरोक्न आग्रह गरेको नेकपा स्थायी कमिटी सदस्य नेम्वाङले बताए ।
