न्यूजमधेश डेस्क
जनकपुरधाम । पछिल्ला केहि समययता मधेश स्वास्थ्य विज्ञान प्रतिस्ठान अन्तर्गत प्रादेशिक अस्पताल जनकपुरमा बिरामीहरुको संख्या बढ्दै गइरहेको छ । तर अस्पतालका विभागीय कर्मचारीहरुको लापारवाहीका कारणका बिरामीले भने सास्ती भोग्दैँ आएका छन् ।
समयमा चिकित्सक र विभागीय कर्मचारी नपुग्दा १२ बजेसम्म विभागहरुमा ताल्चा लागेको पाइएको छ ।समान्यता सरकारी समय अनुसार १० बजे र स्वास्थ्य संस्थाको हकमा २४ औं घण्टा संचालनमा रहनुपर्ने अल्टसाउन्ड एक्स रे विभाग १२ बजे मात्रै खुलेको पाइएको छ । विभागको इन्चार्ज यादवको लापारवाहीका कारण सयौं बिरामीहरु विभागको बाहिर अलमलमा परेका थिए ।
हामी बिहान ९ बजे नै आइपुगेका थियौं तर डाक्टर भने १२ बजे मात्रै आइपुग्नु भयो, बिरामी काजल चौधरीले भनिन् । हल्लाखल्ला भएपछि मात्रै इन्चार्ज आईपुगे, सरकारी अस्पताल भनेको यस्तै त हुन्छ न त समयमा डाक्टर आइपुग्छन् न त कर्मचारी नै बिरामी चौधरीले गुनासो गरे ।
जनकपुर प्रादेशिक अस्पताल मधेस प्रदेशकै ठुलो अस्पताल मध्ये एक हो । बर्षेपिच्छे सरकारले यसमा करौडो रकम खर्चिएपनि अस्पतालको अवस्था भने दयनिय रहेको छ ।
बिरामीको फोनपछि राजधानी जनकपुर प्रादेशिक अस्पतालमा पुग्दाँ न त नवनियुक्त मेसु डा प्रमोद कुमार यादव भेटे न त विभागीय र सूचना अधिकारी समेत रहेका डा राम नरेश पण्डित ।
स्रोतका अनुसार मेसु काम विशेषले बाहिर गएको बताए भने विभागीय प्रमुख पण्डित भने प्राय जसो उनी आफ्नौ अस्पतालमा बस्ने गरेको बताए । विभागीय प्रमुख पण्डितको कार्यकक्ष लामो समयदेखि बन्द रहेको अस्पताल कर्मचारीको भनाइ छ ।
यस विषयमा सम्पर्क गर्न खोज्दा अस्पतालका विभागीय प्रमुख र इन्चार्जहरु भने बोल्न मानेन् । नवनियुक्त डा प्रमोद कुमार यादव भने जनकपुर बाहेर रहेका छन् ।
