परबिन पण्डित
जनकपुरधाम,२७ फाल्गुण।डा सीके राउत नेतृत्वको जनमत पार्टीको जनवर्गिय संगठन युवा जनमत संघ र विद्यार्थी जनमत संघ धनुषाको संयुक्त आयोजनामा मधेशी होलि मिलन तथा शुभकामना अदानप्रदान कार्यक्रम सोमबार सम्पन्न भएको छ।
युवा जनमत संघ धनुषाका अध्यक्ष मनोज बिद्रोहीको अध्यक्षतामा पार्टीको धनुषा जिल्ला कार्यलयमा भएको कार्यक्रमको प्रमुख अतिथी जनमत पार्टीका संस्थापक तथा केन्द्रिय सदस्य सत्यनारायण खडक (एस एन मण्डल) रहेको थियो ।
त्यसैगरी विशिष्ट अतिथी जनमत पार्टीका केन्द्रिय सदस्य महिला नेतृ अनिता साह र पार्टी का धनुषा जिल्ला संयोजक दिपनाराय यादव रहेको थियो।
सो कार्यक्रममा पार्टीका नेता बिरेन्द्र महतो र नवीन झाले जोगिरिया गाएर सबै जनालाई झुमाएको कार्यक्रम संचालक राजेन्द्र यादवले बताए ।
उक्त कार्यक्रममा सहभागी सबै जनाले आ आफ्नो मन्तव्य राखदै होलिको शुभकामना दिएको थियो।यादवका अनुसार कार्यक्रममा पार्टी धनुषा जिल्लाका प्रमुख नेता तथा युवाहरु लगाइत महोत्तरी जिल्ला संयोजक बिरेन्द्र मण्डलको समेत सहभागिता रहेका कार्यक्रम प्रमुख अतिथि र विशिष्ट अतिथीलाई सम्मान समेत गरेको थियो।
