मनोज कुमार मोरबैता
जनकपुरधाम,१ बैशाख । सिके राउत नेतृत्वको जनमत पार्टीको भ्रातृ संगठनको रुपमा शिक्षक जनमत संघको केन्द्रीय तदर्थ समिति गठन गरिएको छ ।
देशमा बिग्रँदो शिक्षाको अवस्था सुधार्न तथा शिक्षकको हकहित सुरक्षित गर्न भन्दै भिडियो कन्फरेन्स मार्फत् २ सय २५ सदस्यीय समिति गठन गरिएको हो । धिरेन्द्र कुमारको संयोजकत्वमा शिक्षक जनमत संघको समिति गठन गरिएको हो ।
समितिले आवश्यक उप–समिति बनाई ६ महिना भित्र यस संघको विधान तथा घोषणा–पत्र समेत तयार गर्दै अधिवेशन मार्फत् शिक्षक जनमत संघ गठन गर्ने जिम्मेवारी यो समितिले पाएको छ ।
शिक्षा तथा पठन पाठनको गुणस्तर बढाउन, शिक्षकहरुको हक–हितको लागि संघर्ष गर्न तथा उनीहरूलाई अन्तर्राष्ट्रिय स्तरको सेवा सुविधा उपलब्ध गराउन काम गर्ने संयोजक कुमारले बताए ।
