मनोज बनैता, सिरहा, २३ बैशाख । लकडाउनको मार झेलीरहेका एकल महिला र ज्येष्ठ नागरिक लाई लाहान स्थित सिरहा एजुकेश्नल स्कुलमा राहत बितरण गरिएको छ । लकडाउन शुरूवात संगै राहत बितरणको पहलमा खनिएका चौधरी र कर्माचार्यको जोडी अहिले सकारात्मक चर्चा बटुलेका छन ।
नेपाली काङ्ग्रेसका युवा नेता महेश चौधरी र संगीता कर्माचार्यले विभिन्न ठाउँबाट राहत जोहो गरी वास्तविक पिडितलाई बाँडने काममा निरन्तर योगदान दिईरहेका छन । चौधरी को अनुसार सोमबार नगरपालिका भित्र रहेका ६० जना एकल महिला र जेष्ठ नागरिकहरु संगै केहि दैनिक ज्यालादारी गर्ने पिडित लाई शिवम रेन्बो स्कुल ,न्यु मनोकामना स्कुल,सलहेश फुलबारी स्कुल, मनकारी जितन यादव र एपोलो ॐ स्कुलको आर्थिक सहयोगमा राहत सामग्री बितरण गरिएको छ ।
नेपाल महिला संघका केन्द्रिय सदस्य संगीता कर्माचार्यको अनुसार राहत स्वरुप १० किलो चमाल,१ किलो आलू , १ किलो प्याज़,१ किलो परवल ,१ किलो नून सहितको राहत सामाग्री वितरण गरिएको हो ।
