सोलिन्द्र चौधरी
जनकपुरधाम ,असार १३ गते : डा सीके राउत नेतृत्वको जनमत पार्टीले तराई मधेशमा एक करोड वृक्षारोपण गर्ने भएको छ। चुरे क्षेत्रमा भएको वन विनासले मधेसमा समस्या हुँदै आइरहेको भन्दै वृक्षारोण अभियान थाल्नी गर्न गइरहेको छ।
त्यसैगरी ‘घर(घर जायें, पौधे लगायें, पर्यावरण बजायें’ नाराका साथ जनमत पार्टीले असार १५ बाट वृक्षारोपन अभियान सुरु गर्दैछ। असार १५ गते जिल्लादेखि वडा तहसम्मका नेता तथा कार्यकर्तालाई वृक्षारोपण गर्न सो पार्टीले आग्रहसमेत गरिएका छन। मधेसलाई मरुभूमीकरणबाट जोगाउन वृक्षारोपण अभियान सुरु गर्न लागेको पार्टीका केन्द्रिय सदस्य इन्द्रजित यादवले न्युज मधेशलाई जानकारी दिएका छ्न।
मधेसको रक्षा गर्न १ करोड विरुवा लगाउने सोच बनाएको उनले बताए। ‘चुरे विनासले मधेस खतरामा छ। कलमा पानी आउँदैन। मनसुन ढिलो आउँछ। वर्षातमा अनियन्त्रित बाढी आउँछ’, उनले भने, ‘त्यसैले वृक्षारोपणको विकल्प छैन।’
नेता यादवका अनुसार वृक्षारोपण अभियान पहिल्यैदेखि चल्दै आए पनि विरुवा अभावले निरन्तरता दिन सकेका थिएन। अब वन विभाग र स्थानीय तहसँगको सहकार्यमा वृक्षारोपण अभियान सुरु हुँदैछ। विरुवा उपलब्ध गराउन पार्टीले जिल्ला वन कार्यालय र स्थानीय तहलाई पत्राचारसमेत गरिसकेको छ। विरुवा उपलब्ध गराउन केन्द्रीय स्तरमा समेत समन्वय गरिएको बताएका छन।
