नितेश यादव
जनकपुरधाम, असार १७ गते ।जनकपुरको रामस्वरूप रामसागर बहुमुखि क्याम्पस प्रमुखलाई विद्यार्थीले कार्यकक्षमा तालाबन्दीगरेका छन् । क्याम्पसले पठन-पाठनमा ध्यान नदिएको आरोप लगाउँदै विद्यार्थीहरुले क्याम्पस प्रमुखको कार्यकक्षमा तालाबन्दी गरेका हो ।गत १५ गतेदेखिनै कक्षा सञ्चालन हुनुपर्नेमा क्याम्पस प्रमुख बिरेन्द्र यादवका कारण क्याम्पसको पठन(पाठन केही समयदेखि प्रभावित हुँदै आइरहेको राष्ट्रिय बिद्यार्थी संघका राराब इकाई कमिटी अध्यक्ष दिनेश यादवले आरोप लगाउनु भयो ।पठनपाठनमा क्याम्पस प्रशासनले ध्यान नदिएको लगायतका १८ बुँदे माग सहित मंगलबार बिहान विद्यार्थीहरुले क्याम्पस प्रमुखको कार्यकक्षमा ताला लगाएका हुन् । आफूहरुले पटक पटक क्याम्पस प्रमुखलाई पठन(पाठनमा ध्यान दिन आग्रह गरेपनि उनले अटेरी गरेपछि बाध्य भएर तालाबन्दी गर्नुपरेको अध्यक्ष यादवले बताए ।
