चन्द्रकिशोर साह
सर्लाही ,असार १८ गते।सर्लाहीको बाँके जङ्गलमा प्रहरीको गोली लागेर आइतबार सरोज नारायण महतोको मृत्यु भएको विरोधमा स्थानीयबासी मंगलबार साँझ मशाल जुलुस निकालेर प्रदर्शन गरेको छ ।आइतवार सर्लाहीको बाँके जङ्गलमा प्रहरीको गोली लागेर ज्यान गएको सरोज र श्रीनगरस्थित बाँकेको खोलको खाल्डोमा डुबेर १२ वर्षीय अमित रायको ज्यान गएपछि स्थानीय आन्दोलित भएका हुन् । प्रतिनिधिसभा सदस्य प्रमोद साह र प्रदेशसभा सदस्य उपेन्द्र महतोको सहभागिता स्थानीयबासीले मसाल जुलुस निकालेर प्रदर्शन गरेका छन।स्थानीयले मृतकलाई सहिद घोषण गर्नुपर्ने, खोलामा भैरहेको अवैध दोहन रोक्नुपर्ने, गिट्टी बालुवा निकाल्दा बनेको खाल्डो पुर्नुपर्ने, बस्ती नजिक सञ्चालित क्रसर उद्योग बन्द गर्नुपर्ने, गोली काण्डको निष्पक्ष छानबिन गरिनुपर्ने, मृतक परिवारका एकजनालाई रोजगारी दिनुपर्ने, बाल बच्चालाई शिक्षा स्वास्थ्यलगायतको उचित व्यवस्था गरिनुपर्ने, घाइतेको उपचारका लागि राज्यले औषधिखर्चको व्यवास्था गर्नुपर्ने लगायतको माग गरिएको छ।
