१६ चैत्र २०८०, शुक्रबार
29-03-2024 , Fri
×

भ्रष्टाचार विरुद्ध जनमत पार्टीले निकाले मधेशमा सिटी जुलुस

Logo
प्रकाशित सोमबार, कार्तिक ०८, २०७८

न्यूजमधेश डेस्क
जनकपुरधाम ,८ कार्तिक ।डा सीके राउत नेतृत्वको जनमत पार्टीले पूर्वनिर्धारीत कार्यक्रम अन्तर्गत आजपहिलो दिन मधेशका जिल्लाहरुमा सिठी जुलुस निकालेको छ ।

जनमत पार्टीका युवा नेता धिरज कुमार मण्डलको नेतृत्वमा प्रदेश २ का अस्थायी राजधानी जनकपुरधामसहित मधेशभरी सिटि जुलुस प्रदर्शन गरेको छ ।

धनुषा जिल्ला पार्टी कार्यालयबाट सिटि जुलुस निकालिएको थियो ।जुलुसमा सहभागी नेता तथा कार्यकर्ताहरूले ‘भ्रष्टाचारीलाई कारबाही गर, हाम्रा कार्यकर्तालाई रिहा गर,हाम्रो माग पुरा गर ,  भ्रष्ट सरकार मुर्दावाद, भ्रष्टाचारीलाई संरक्षण गर्न पाइँदैन,जनमत पार्टी जिन्दाबाद ,डा सीके राउत जिन्दाबाद’ लगायतका नारा लगाएका थिए ।

सो जुलुस रामानन्द चौक ,जानकी चौक ,पेठिया बजार हुदै नमस्कार चौक ,मुरली चौक ,जिल्ला प्रशासन कार्यालय अगाडीबाट कदम चौक ,भानु चौकसहित नगर परिक्रमा गरि जनाका चौकमा कोणसभा गरेर कार्यक्रम समापन गरेको छ ।

कोणसभामा दलित जनमत संघका अध्यक्ष रघुबीर दास ,युवा नेता लक्ष्मेश्वर यादव ,जिल्ला सहसचिव नबिन पंडित ,दीपनारायण यादवसहितका वक्ताले आफ्नो कार्यकर्तालाई बिनासर्त रिहा नगरे कडा आन्दोलन गर्ने चेतावनी दिएका छन ।

आम जनता र जनमत पार्टीका कार्यकर्ताहरुले गत बुधवार जनकपुरस्थित संघीय खानेपानी तथा ढल निकास आयोजना प्रमुख राजेश्वर कुशवाहालाई जनकारबाही स्वरूप अर्धनग्न पारेर बजार घुमाएका थिए ।

प्रमुख कुशवाहालाई जनकारबाही गरेपछि जनमत पार्टीका १७ जना नेता कार्यकर्ताहरुलाई प्रहरी हिरासतमा राखेको छ ।पक्राउ परेका कार्यकर्तालाई नि : सर्त रिहा गर्न माग गर्दै आज सिटि जुलुस निकालेको छ ।

भ्रष्टाचारविरुद्ध मधेसका सबै जिल्लामा सिठी जुलुस प्रदर्शन गरिएको पार्टीका केन्द्रीय उपमहासचिव इन्द्रजीत यादवले जानकारी दिए ।

जनमत पार्टीको केन्द्रीय कार्यकारिणी समितिको बैठकले भ्रष्टाचार र बेतिथिविरुद्ध सर्वपक्षीय जनआन्दोलन गर्ने निर्णय पनि गरेको थियो । जनआन्दोलनको तयारी स्वरुप आजबाट पहिलो चरणको आन्दोलन सुरु भएको जनमत पार्टीले जनाएको छ ।

कमेन्ट गर्नुहोस्
सम्बन्धित

काठमाडौँ । जनमत पार्टीले बैशाख १५ गते हुने उपनिर्वाचन अन्तर्गत इलाम-२ मा प्रेमदीप थाम्सुहाङलाई उम्मेदवार बनाउने निर्णय गरेको छ । पहिचानवादीहरूको तर्फबाट थाम्सुहाङ उम्मेदवार बनाउने निर्णय भएको अध्यक्ष डा. सीके राउतले बताए । थाम्सुहाङ किराँत-लिम्बुवान प्रदेश नामांकन अभियानका राष्ट्रिय अध्यक्ष हुन् । जनमतको हालै बसेको केन्द्रीय समितिको बैठकले कोशी प्रदेशमा चलिरहेको पहिचान आन्दोलनको मर्मबमोजिम पहिचानसहितको […]

जनकपुरधाम। मधेशका मुख्यमन्त्री सरोजकुमार यादवले नेकपा एमालेबाट थप तीन मन्त्री नियुक्त गर्दै मन्त्रिपरिषद् विस्तार गरेका छन् । आज शनिबार एमालेका प्रदेशसभा सदस्यहरु सत्रुधन प्रसाद सिंह कोइरी, राजकुमार लेखी र स्वतन्त्र जितेर एमाले प्रवेश गरेका प्रमोद जयसवालले प्रदेश प्रमुख सुमित्रा भण्डारीसमक्ष मन्त्री पदको शपथ लिएका छन् । राजकुमार लेखीले गृह, सञ्चार तथा कानून, शत्रुधन सिंहले स्वास्थ्य […]

जनकपुरधाम । नेकपा एमालेका सचिव रघुवीर महासेठलाई भव्य स्वागत गरिएको छ । उपप्रधान एवम् भौतिक पूर्वाधार तथा यातायात मन्त्री बनेर गृह जिल्ला पुग्दा महासेठलाई भव्य स्वागत गरिएको हो । जनकपुरधाम विमानस्थलमा उपप्रधानमन्त्री महासेठलाई एमाले नेता कार्यकर्ताहरूले १०१ किलोको मालाले स्वागत गरेका हुन् । महासेठ प्रभावशाली मन्त्री बनेकोमा नेता कार्यकर्ताहरू उत्साहित देखिएका थिए । महासेठको स्वागत […]