कमल कुमार मण्डल , राजविराज । अविरल वर्षाका कारण कतै बाढिबाट त कतै पानिको बहाब नभएकोले विभिन्न ठाउँमा समस्या खेप्नुपर्दै आएको छ । वर्षाका कारण बुधवार खाडो खोलामा आएको बाढीले सप्तरीको तिलाठी कोईलाडी गाउँपालिका वडा नम्बर १ तिलाठी डुबानमा परेका छन् । गाउँपालिकाको करिब २ हजार ५ सय परिवार बाढीबाट पीडितभएको गाउँपालिकाले जनाएका छन् ।
यसै गरी सोहि गाउँपालिकाका वडा नम्बर २, लौनियाँका करिब ४० परिवार पिडित भएका छन् । पानिको बहाब नभएकोले त्यहाँका बासिन्दाहरुले डुबानमा परेको हो । विगत साल पनि यसरी नै पानि थुनिएकोले आफुहरुलाई विभिन्न समस्या भोग्नुपर्दै आईरहेको स्थानिय युवा बैदानन्द कुमार मण्डलले बताएका छन् । उनले थपे– यसपाली पनि बाटोमा आवतजावत गर्नेमा निकै समस्या भइरहेको तथा दुषित पानि आंगनमा जमेकोले बिरामी हुने सम्भावना समेत देखिएको छ । बैदानन्दले भने– दिनमा नला खन्नेकाम सञ्चालन भएपछि आफुलाई केहि राहत भएको जस्तो लाग्यो तर रातिमा नला बाँधिएपछि अहिले संकटमा नै छौ ।
यस विषयमा जनप्रतिनिधिहरु खासै ध्यान नदिइएको स्थानिय जिवछ मण्डलले आरोप लगाएका छन् । बुधवार वडा कार्यालयबाट खटिएको जेसिबिले पानिको बहाबका लागी नला खनेपनि वडा अध्यक्षको कमजोरीले नाला सञ्चालन नभएको मण्डलले बताए । नला सार्वजनिक जग्गामा खनेपनि त्यँहाका बासिन्दाहरु नालामा जबरजस्ती माटो दिई अवरोध गरेको उनको भनाई छ । रातिमा वर्षा हुन्छ भने, हामीहरु अझै संकटमा पर्ने उनले दुखेसो सुनाए ।
के गर्दै छन् जनप्रतिनिधि?
आज बुधवार दिनमा जेसिबिले पानिको निकासका लागी तत्काल नल खन्ने कार्य वडा अध्यक्षले सञ्चालन गर्यो । तर, राति ९ः३० बजे नलाका काम सम्पन्न भए पछि, त्यहाँका बासिन्दाहरु पानीको मुहान थुनियो । वडा अध्यक्ष खगेन्द्र मण्डललाई जानकारी गराउदा उनले आफु अस्वस्थय भएको बताउदै नआउने बताए । केही समय मिलाएर आउन आग्रह गर्दा पनि उनले भने मिलाएर गर्नुस आउदै छु तर आउनसकिएन ।
