०५ बैशाख २०८१, बुधबार
17-04-2024 , Wed
×

एउटा देशमा दुई वटा कानुन : सरोज राई

Logo
प्रकाशित शनिबार, साउन ३२, २०७६

काठमाडौ । मधेशमा प्रहरीले छाती र टाउकोमा गोली ठोकी रहंदा हाम्रो राष्ट्रिय मेडिया मात्र होइन लाखौं-लाख राष्ट्रवादी जमातहरूको कमेन्ट ट्रोल हुन्थियो यो भनेर कि प्रहरी माथी ढुंगामुढा गरेभने प्रहरीले गोली चलाउंदैन त् के माला लगाउंछ।

अस्ति मात्र सर्लाहीमा एक बालकको मृत्यु भयो। परिवारजन्य र गांववासीको भिड़ सडकमा ओर्लिए न्यायको लागि, भिड शान्तिपूर्ण प्रदर्शन गरिरहेका थिए, रोड मात्र जाम गरेका थिए, कुनै ढुंगामुढा भएको थिएन, प्रहरी घाइते हुने कुरै भएन तापनि प्रहरीले आत्मरक्षाको नाउमा गोली चलायो र एकजनाको मृत्यु भयो।

धन्यवाद दिन्छु चितवन प्रहरीलाई, प्रहरी चौकी माथी ढुंगामुढा भयो, रॉड प्रहारले पांचजना प्रहरी घाइते पनि भए तर प्रहरीले धैर्यता देखाए, कुनै मानविय क्षति भएन।

मैले कदापि यो भन्न खोजेको होइन कि चितवन प्रहरीले गोली चलाउनु पर्ने थियो किनभने मृत्यु पश्चात परिवारले भोगेको दुखपिडा शहिद परिवारको घर गएर राम्रो संग बुझेको छु। मात्र तपाईहरू लाई मधेशको पिडा, राज्यले गरेको दमन र पहाडले लगाएको चश्मा वारे बताउन खोजेको हो।

मलेठ घटनामा प्रदर्शनकारीले ढुंगामुढा अवश्य गरेको थियो तर कसैको ढुंगा प्रहरी समिप पनि पुगेन घाइते हुने कुरा त् परै जाओस् तापनि प्रहरीले समाति-समाति पांचजनाको हत्या गरेको थियो।

आन्दोलनमा संसार भरि भिडको प्रकृति लगभग उस्तै हुन्छ, भिड उतेजित हुन्छ कहिले काहिं अनियन्त्रित पनि हुन्छ, सकेसम्म प्रहरीले भिड नियन्त्रण गर्ने हो नकि गोली चलाउने हो । तर हाम्रो राज्यको चरित्र मधेश र पहाड बिच फरक देखिएको छ। दोषी प्रहरी मात्र होइन उनीहरू लाई गोली चलाउन आदेश दिनेहरू मुख्य दोषी रहेको छ। न्यायको लागि आन्दोलन गर्नु सबैको अधिकार हो, मेरो कथन यति मात्र हो कि प्रहरीले अधिकतम संयमता अपनाउनु पर्छ र भिड नियन्त्रण गर्न गोली वाहेकका विकल्पहरू अपनाउनु पर्छ चाहे त्यो पहाड होस् वा मधेश ।

पहाड र मधेश बिच फरक चरित्रको मुख्य कारण मेरो नजरमा राज्यको नश्लवादी चरित्र रहेको छ। जंहा नश्लवाद हावी हुन्छ त्यंहा समृधी सम्भव हुंदैन। एकचोटी विचार गरौं ।

कमेन्ट गर्नुहोस्
सम्बन्धित

काठमाडौं। अल नासेर ओभरसिजले दुईदेखि तीन लाख रुपैयाँसम्म लिएर कतारको इमदाद अलक्युबिदा कम्पनीमा पठाएका ५५ नेपाली कामदार भोकभोकै अलपत्र परेका छन् । जसमा महिलासमेत छन् । कम्पनीले तलब नदिनुका साथै खाने व्यवस्थासमेत नगर्दा उनीहरूको बिजोग भएको हो । उनीहरूलाई कम्पनीले ३ देखि ५ महिनासम्मको तलब दिएको छैन । दोहास्थित नेपाली दूतावासले खानाको व्यवस्था गर्न अल नासेर ओभरसिज र इमदाद […]

जनकपुरधाम । गृहमन्त्री तथा राष्ट्रीय स्वतन्त्र पार्टीका सभापति रवि लामिछाने आज जनकपुरधाम आइपुगेका छन् । केहिबेर अगाडी जनकपुर विमानस्थल आइपुगेका गृहमन्त्री लामिछानेलाई सुरक्षा अधिकारी र पार्टीका नेता कार्यकर्ताहरु स्वागत गरेका हुन् । विमानस्थलबाट उनी सिधा होटल सिताशरण पुगेका छन् । बुधवार तीनै सुरक्षा निकायका अधिकारीहरुसंग प्रदेशको सुरक्षा अबस्थाबारे उनी छलफल गर्ने कार्यक्रम छ । यस्तै […]

बाँके। बाँकेको राप्ती सोनारी गाउँपालिका–५ बिनौना ललहीका ४५ वर्षीय टेकराज थारूको दैनिकी तरकारी गोडमेल र स्याहारसुसारमै बित्ने गर्दछ। उनको आम्दानीको स्रोत नै खेतबारी हो। टेकराजका धेरै साथीहरु रोजगारीका लागि विदेश पुगेका छन्। कतिपय साथी मजदुरी गर्न नेपालगञ्जमा भौँतारिरहेका छन्। उनले भने तरकारी खेती छोडेर रोजगारी गर्नेतिर कहिल्यै सोचेनन्। “मेरो जागिर भने पनि रोजगारी भने पनि […]