कमल मण्डल
राजविराज, ११ चैत ।सप्तरीको तिलाठी कोइलाडी गाउँपालिकाले कोभिड १९ बाट जोगीन विभिन्न क्रियाकलापहरुमा तिब्रता दिइएको छ ।
अहिले विश्वभरिमा महामारीका रुपमा फैलिएको कोरोना भाइरसका संक्रमन पहिचान गर्नका लागी तिलाठी कोइलाडी गाउँपालिकाले दुई ठाउँमा क्वराइन्टेन निर्माण गरिएको छ ।
विदेशबाट आउनेहरुलाई निगरानीमा क्वारेन्टाइनमा राख्न सर्वदलिय बैठकबाट भएको निर्णयअनुसार सोहि गाउँपालिकाका वडा नम्बर ७ स्थित ल.व. न. मा.वि. बभनगामाकट्टीमा १५ शैय्या क्वाराइन्टेन कक्ष त्यार गरेको छ। भने वडा नं.१ तिलाठी स्थित रहेको नव निर्मीत वृद्धा आश्रममा १० शैय्या क्वाराइन्टेन कक्ष त्यार गरिएको गाउँपालिका प्रमुख सतिश कुमार सिंहले जानकारी दिएको छ ।
कट्टीका कक्षमा २ जना र तिलाठीको कक्षमा ३ जनालाई राख्न तयारीभइरेका छ भने अन्य विदेशबाट आएकाहरुको खोजी कार्य समेत भइरहेको छ ।सम्पुर्ण वडामा सुरक्षित रहनका लागी घरदैलौ जनचेतना दिने तथा मास्क समेत वितरण गरिने प्रमुख सिंहले बताए ।
भारतको सिमा सगँ जोडिएको गाउँपालिकाको तिलाठी नाकामा हेल्थ डेस्क, गाउँपालिका भरी जनचेतना मुलक माइकिंङ समेत गरिएको छ, भने सम्पुर्ण वडा कार्यलय तथा स्वास्थ्य चौकीलाई हाथ धुने सामग्री वितरण गरिएको छ ।
