न्यूजमधेश सम्बादाता
जनकपुरधाम ,२२ चैत्र । कोरोनाको संक्रमण फैलिन नदिन सरकारले लगाएको लक डाउनको धनुषाको कमला नगरपालिकामा उल्लंघन गर्ने क्रम जारी रहेको छ ।
शुक्रबार साँझ कमला नगरपालिका वडा नं.४ स्थित राप्रावि सघाराको खेल मैदानमा स्थानीय युवाहरु एकै ठाउमा जमघट भएर फुटबल खेल्दै आएका छन् । लक डाउनको उल्लंघन गरी उनीहरु दैनिक रुपमा फुटबल खेलिरहेको स्थानीयहरुले बताएका छन् ।
पटक–पटक खेलाडीहरुलाई फुटबल नखेल्न आग्रह गरेपनि कुनै वास्ता नगरेको उनीहरुको भनाई छ ।
कुनै पनि ठाउँमा भिडभाड नगरी समाजिक दुरी कायम गरेर आ–आफ्नो घरमै बस्न सरकारी पक्षले आग्रह गर्दै आएपनि ग्रामिण क्षेत्रमा लकडाउनको प्रभाव पर्न सकेको छैन् ।
स्थानीय जनप्रतिनिधिहरु यसबारे कुनै चासो लिएका छैन्न । वडा अध्यक्ष पल्टु कबारीलाई जानकारी गराउँदा उनले पनि कुनै चासो नलिएको स्थानीयहरुको भनाई छ ।
