१५ चैत्र २०८०, बिहिबार
28-03-2024 , Thu
×

लासको राजनीति,  एमाले ले बिर्से बेखबर जोधाहा कमरेड आश्रीतलाई  :  लक्ष्मण चौलागाईं “विद्रोही”

Logo
प्रकाशित बुधबार, चैत्र २६, २०७६

जब म कम्युनिस्ट इतिहासलाई सम्झन्छु र मनमनै विश्लेषण गर्दछु। बेखबर र ओझेलमा पारिएका नेताको रूपमा देख्छु स्व. कमरेड जीवराज आश्रीत ज्युलाई।तत्कालीन मालेका महासचिव जननेता क.मदनकुमार भण्डारी संगै त्रीशुलीमा मारिएका नेता तत्कालीन मालेका संगठन विभाग प्रमुख स्व. क.जीवराज आश्रीतको नाम पूर्व एमाले खेमाले उच्चारण गरेको कहिल्यै पनि  सुनिएन।बरु बारबार मदनको नाम र जबजको बजार चलाउन एमाले खेमा कस्सिएर लाग्यो लासको राजनीति गरिरहयो।जो आज पनि माओवादी र एमालेमा देखिन्छ ।

माओवादी खेमाका प्रचण्ड सहिदको नाम बेच्छन एमाले खेमा मदनको नाम बेच्छ।
संघर्षका पर्याय आदरणीय कमरेड स्व. जीवराज आश्रीत ज्युकोको गीत भने तत्कालीन मालेले ५० सालमा केही महिना बजायो र सेतो सारीको मार्केटिङ गर्न चुकेन।त्यतिनै बेला म मेरो गाउबाट धान बोकेर साखुमा बेच्न आउदा च्यानेपाटी नजिकै  एक जना तिवारीको घरको भित्तामा नेपाली कांग्रेसले चुनावी नारा पोतेको अझै पनि मेरो स्मृति बाट हटेको छैन जहाँ लेखिएको थियो
(आँसु को राजनिती चाहिदैन रोएर कुर्सी पाइदैन ) भनेर।मदनको हत्याकाण्डमा कांग्रेस पनि आक्रोसित देखिन्थ्यो त्यतिबेला।

बरु केही महिना जनताका  भोट लुट्न र राजनितीक सत्ताको सपना देख्न एमालेले दासढुंगा भन्ने क्यासेट् बजारमा ल्यायो केही महिना र एउटा गीत भने बेस्सरी बजायो  एमालेले। त्यो मदन आश्रीतको शोकले हैन रहेछ बरु सत्ताप्यासले रहेछ भनेर आज आएर थाहा पाएं मैले।उक्त गीतको बोल थियो कि जीवराज आश्रीत ज्यु भन्नुहुन्थ्यो जहिले नी ।संघर्षको सिमा भन्ने हुन्न कहिले नि ।अनि मदनको गीत चाहिँ मदनकुमार भन्डारीज्यु भन्नुहुन्थ्यो जहिले नि ।राजनितिमा थकाई भन्ने हुन्न कहिले नि । वास्तवमा हाम्रो जीवन मृत्युको मुखमा नपुगुन्जेल निरन्तर संघर्षमा नै ब्यतित हुन्छ त्यस्तै संघर्षशील उर्जाशील राजनेता हुनुहुन्थ्यो विश्व साम्यवादका अनुयायी स्व. नेता क.जीवराज आश्रीतज्यु भने राजनितिलाई सदैव गतिशिल बनाइरहनुपर्छ थाक्नु हुन्न है भन्ने अमर संदेश दिएर जानुभयो नेताद्वय संघर्ष र राजनीतिको अर्थ र भाव छोडेर।पार्टीले नै बेवास्ता र हेला गरिएका पात्र र नेता जस्तो लाग्छ  जनताका कमरेड आश्रीतको नाम ।जो कहिल्यै सुनिएन एमालेले कहिल्यै उच्चारण नै गरेन।

बरु मदनको नाम थुप्रै भजाइयो। मदन पत्नी दुईदुई पटक डबल राष्ट्रपती भइन र अहिले पनि बहालवाला छिन। तर यिनै जीवराज आश्रीतज्युकी पत्नी आज पनि त्यही बस्तुभाउ,त्यही भकारो ,त्यही मेलापातमा आफ्नो जीवन गुजार्दै हुनुहुन्छ। उही घटनामा मारिएका मदनकी पत्नी १६ करोडको कार चढ्छिन ।एयरपोर्ट आउनजान  पनि शान्दार हेलिकप्टर प्रयोग गर्छिन। विलासितामा रम्न रमाउछिन। सेनालाई आफ्नो जुत्ता बोकाउछिन।

उनै सहयोद्दा केपी ओलीज्यु पनि यो मुलुकको डबल पिएम भए । दुई पटक यो मुलुकको गरिमामय पदको सम्माननीय प्रधानमन्त्री भए।हाल उनी पनि बहालवाला छन। प्रचण्डले पनि अहिले आफू एमाले भएसी मदनको बरु नाम लिन्छन आश्रीतको नाम लिदैनन र समाजवादी भाषण गर्छन।

जबजब निर्वाचन आउँछ यिनै केपीले दासढुंगा हत्याकाण्ड भनेर जनतालाई भ्रम छरे।जबजब ओलीज्यु सत्तामा गए दासढुंगा जीप दुर्घटना हो भने।न त मदन पत्नीले मदन आश्रीत हत्याकाण्डको हत्याराबारे खोजी गर्न चासो देखाइन न त केपी ओलीले नै तथापि मदन सम्झाउन विद्या मुलुकको गरिमामय राष्ट्रपति पदमा अझै पनि विराजमान  छिन ।

तर उनै जीवराज आश्रीतलाई सम्झन न उनको पत्नीले नै यो सरकारबाट कुनै सम्मान पाइन न त शब्दकै सद्भाव। यसर्थ एमालेले मदनको बरु सम्झना गर्यो आश्रीत कमरेडको कहिल्यै सम्झना गर्दै गरेन। यो विडम्बनालाई जनतामाझ पुर्याउनु मन लाग्यो र मदन आश्रीत हत्याकाणडको २९ औं स्मृती दिवस आउदै गर्दा मदन संगै आश्रीत कमरेडलाई एकमुष्टमा  हार्दिक हार्दिक श्रद्धाञ्जली व्यक्त गर्न चाहें।धन्यवाद ।

कमेन्ट गर्नुहोस्
सम्बन्धित

काठमाडौँ । जनमत पार्टीले बैशाख १५ गते हुने उपनिर्वाचन अन्तर्गत इलाम-२ मा प्रेमदीप थाम्सुहाङलाई उम्मेदवार बनाउने निर्णय गरेको छ । पहिचानवादीहरूको तर्फबाट थाम्सुहाङ उम्मेदवार बनाउने निर्णय भएको अध्यक्ष डा. सीके राउतले बताए । थाम्सुहाङ किराँत-लिम्बुवान प्रदेश नामांकन अभियानका राष्ट्रिय अध्यक्ष हुन् । जनमतको हालै बसेको केन्द्रीय समितिको बैठकले कोशी प्रदेशमा चलिरहेको पहिचान आन्दोलनको मर्मबमोजिम पहिचानसहितको […]

जनकपुरधाम। मधेशका मुख्यमन्त्री सरोजकुमार यादवले नेकपा एमालेबाट थप तीन मन्त्री नियुक्त गर्दै मन्त्रिपरिषद् विस्तार गरेका छन् । आज शनिबार एमालेका प्रदेशसभा सदस्यहरु सत्रुधन प्रसाद सिंह कोइरी, राजकुमार लेखी र स्वतन्त्र जितेर एमाले प्रवेश गरेका प्रमोद जयसवालले प्रदेश प्रमुख सुमित्रा भण्डारीसमक्ष मन्त्री पदको शपथ लिएका छन् । राजकुमार लेखीले गृह, सञ्चार तथा कानून, शत्रुधन सिंहले स्वास्थ्य […]

जनकपुरधाम । नेकपा एमालेका सचिव रघुवीर महासेठलाई भव्य स्वागत गरिएको छ । उपप्रधान एवम् भौतिक पूर्वाधार तथा यातायात मन्त्री बनेर गृह जिल्ला पुग्दा महासेठलाई भव्य स्वागत गरिएको हो । जनकपुरधाम विमानस्थलमा उपप्रधानमन्त्री महासेठलाई एमाले नेता कार्यकर्ताहरूले १०१ किलोको मालाले स्वागत गरेका हुन् । महासेठ प्रभावशाली मन्त्री बनेकोमा नेता कार्यकर्ताहरू उत्साहित देखिएका थिए । महासेठको स्वागत […]