मनोज बनैता, सिरहा, ८ बैशाख । ‘न आलोचना को डर छ न कुनै कमिसन को लोभ, छ त केवल चिन्ता ती भोका पेटहरुको’ राहत बाँडदै भने लाहान सिंग्राही का महेश चौधरी । कोभीड – १९ महामारी ले गरिएको लकडाउनको चरम मार खेपिरहेका दैनिक ज्यालादारी कामगर्ने मजदुरहरुको ओठमा मुस्कान ल्याउने काम गरिरहेका छन यी महेश चौधरी र संगिता कर्माचार्यको जोडीले । यी मनकारीहरुले गर्दा लाहान नगरका अधिकांश गरिब मजदुरहरुलाई आर्थिक संकटसंग जुध्न बल मिलेको छ ।
लाहानका वार्डहरुमा गई यिनीहरूले राहत सामग्री बाँडने कामलाई निरन्तरता दिएका छन । विभिन्न मनकारीहरुको सहयोग र साथ लिई चौधरीले वास्तविक पिडितको नामावली संकलन गर्दै राहत बाँडिरहेका छन । हालमै उनीहरुले तरेगना गोबिन्दपुरमा राहत बाँडे । लाहान स्थित महतो मेडिको सञ्चालक रामावतारको सहयोग एवं साथ पाएर यिनीहरूले गाउँ का २५ घरधुरीलाई चामल १० केजि , दाल १ केजि , आलु २ केजि , साबुन १ पिस , तेल १ प्याकेट, नुन १ प्याकेट बाँडेका हुन ।
त्यसैगरी चौधरी र कर्माचार्य कै अगुवाइ मा आईतवार लहान नगरपालिका वाडा नं-१६ का मुसहर बस्तीमा बिपन्न ,असहाय, एकल महिला, नागरिता नभएका तथा नगरपालिका बाट राहत नपाएकाहरुलाई १० केजी चामल,१ केजी दाल, २केजी आलु,१ पैकेट तेल, १ केजी नून र १ पिस साबुन २५ घर परिवार लाई बितरण गरेका छन ।
त्यस्तै वडा १७ हरिपुर एक रतिया काे दलित बस्तिमा नागरिकता नभएका र नगरपालिका ले राहत बितरण नगरिएका असहाय, बिपन्न तथा एकल महिलाहरु लाई १० केजी चामल,१ केजी दाल, १ केजी पयाज, १ केजी नुन र १ पैकेट तेलगरि जम्मा ६५ घर परिवार लाई राहत बाँटेका छन जसमा एबी मल गोलबजार, इन्टरफेस कम्प्युटर, अम्बिका अफसेट र एपोलो ॐ स्कुलले साथ र सहयोग गरे ।
