न्यूजमधेश सम्बादाता
पोखरिया ,१७ बैशाख । पर्साको पोखरिया जिल्ला अस्पतालमा कोरोना परिक्षणको लागि स्वाब संकलन बुथ मंगलबार स्थापना गरिएको छ ।
खानेपानी तथा सरसफाइ डिभिजन कार्यालय बारा का प्रमुख जकी अहमद अंसारीको सहयोगमा निर्माण गरिएको स्वाब संकलन बुथ केन्द्र एक कार्यक्रमका बिच पोखरिया जिल्ला अस्पताललाई हस्तान्तण गरिएको नगर प्रमुख दिपनारायण रौनियारले जनाए ।
स्वाब संकलन बुथ केन्द्र पोखरिया जिल्ला अस्पतालका मेसु डा. अनिल यादवलाई हस्तान्तरण गरिएको हो ।खानेपानी तथा सरसफाइ डिभिजन कार्यालय बाराका प्रमुख जकी अहम्द अंसारीले जिल्लाको मुटुमा रहेको पोखरिया जिल्ला अस्पतालमा कोरोना परिक्षणको लागि स्वाब संकलन बुथ केन्द्रको आवश्यक्ता औंल्याउँदै अस्पताललाई बितरण गरिएको बताए ।
प्रमुख अंसारीले आउने दिनमा पोखरिया अस्पताललाई आफ्नो तर्पm बाट सकदो सहयोग गर्ने बताए ।
उनले बिश्वब्यापी महामारीको रुपमा फैलिरहेको कोरोना भाईरसबाट बचाउन सरकारले गरेको लकडाउनको पालना गरि जनसमुदायमा घरमै बसिदिनको लागि आग्रह समेत गरे । घरबाट बाहिर नजान, साबुन पानीले हाथ धुन, मास्क लगाउन र तीन फिटको दुरी बनाएर बस्नुको साथै सरसफाइमा विशेष ध्यान दिन सबैमा आग्रह समेत गरे ।
स्वाब संकलन बुथ केन्द्र बितरण कार्यक्रममा नगर प्रमुख दिपनारायण रौनियार, उप प्रमुख सलमा खातुन, जनता समाजबादी पार्टी नेपालका नेता निजामुदिन समानी, पोखरिया अस्पताल ब्यवस्थापन समितीका अध्यक्ष लक्षुमन साह कानु लगायतको उपस्थिति रहेको थियो।
