बिरेन्द्र (बिरु) यादव, लाहान, १८ बैशाख । लाहानमा लकडाउन थप कडा पारिएको छ । नेपाल प्रहरी, सशस्त्र र ट्राफिक प्रहरी ले बिहिवार बिहानैदेखि माईकिङ गर्दै स्थानीयलाई अतिआवस्यक काम बिना बाहिर ननिस्किन आग्रह गरेका छन । केही दिनदेखि स्थानीयद्वारा बजारको भित्री भागमा अनावश्यक रुपमा हुँदै गरेको सामुहिक भेटघाट बन्द गर्न समेत अनुरोध गरेका छन ।
उदयपुरको भुल्केमा २८ जना फेला परि सकेको अवस्थामा लहान पनि उच्च जोखिममा रहेको भन्दै ईप्रका लाहान, सशस्त्र बेस क्याम्प र जिल्ला ट्राफिक प्रहरी कार्यलयका संयुक्त टोलीले लाहान नगरको गल्ली गल्लीमा माईकिङ गरेको छ । अनावश्यक रुपमा घरबाट बाहिर निस्के नेपाल प्रहरीले तत्कालै कार्यवाही गर्ने जनाउदै नगरवासीलाई घरमा बसी लकडाउन पालन गरेर प्रहरीलाई सहयोग गर्न आग्रह गरेका छन ।
