मनोज बनैता, लाहान, १८ बैशाख । लकडाउनमा आर्थिक अभावको चरम मारमा परेका लाहानका उत्तरवर्ती गाउँका बासिन्दाले हालसम्म सरकारी राहतको स्वाद चाख्न पाएका छैनन यधपी लाहान नगरपालिका ले राहत बितरणको पहिलो चरण पूरा गरिसकेको छ ।
स्थानीय सरकारको आँखा पुग्न नसकेको लाहान नगरपालिका वडा १६ मा गई पुनः महेश चौधरी र संगीता कर्माचार्य ले राहत बितरण गरेका छन । यिनीहरुको पहलमा एबी मल गोलबजार र एपोलो ॐ स्कुलले आर्थिक सहयोग गरेका छन । लाहान आँखा अस्पतालको नामले प्रख्यात भएतापनी यहाँको स्थानीय सरकारमा दृस्टीदोष भएको भन्दै वडा १६ का स्थानीयले पीडा पोखे । उनीहरू आफुलाई भेदभाव गरेको महसुस गरेका छन।
समाजसेविका कर्माचार्य को अनुसार लाहानको विकट ठाउँ मानिने तरेगना, आरी दमाड़, भसुवा, डुमरे र देउराली मा हाल सम्म नगरपालिकाबाट कुनै प्रकारको राहत प्रदान गरिएको छैन ।
महेश चौधरी र संगीता कर्माचार्यको पहलमा वडा १६ का ती गाउँमा जम्मा १०० घरपरिवारलाई १० केजी चामल,१ केजी दाल,१ केजी मटर, १केजी नून र १ केजी आलू बितरण गरिएको छ । संगीता कर्माचार्य नेपाल महिला संघका केन्द्रिय सदस्य र महेश चौधरी नेपाली काङ्ग्रेसका बहुप्रतिष्ठित युवा नेता हुनुहुन्छ ।
