मनोज बनैता, लाहान, १९ बैशाख । अन्तरास्ट्रिय ‘मे डे’ अर्थात १३१ औं श्रमिक दिवस कोभिड–१९ को कारण प्रभावित हुनपुगेको छ । कोरोनाको सङ्क्रमण फैलने सम्भावना रहेको भन्दै सरकारले देशव्यापी लकडाउन गरेको छ । लकडाउनका कारण यसवर्ष श्रमिक दिवसका अवसरमा ट्रेड युनियनले कुनै पनि औपचारिक कार्यक्रम राखेका छैनन् ।
सिरहाका वरिष्ठ पत्रकार तथा नेपाल पत्रकार महासंघका केन्द्रिय सदस्य देवकुमार यादवले कोरोनाका कारण श्रमिकले भोग्दै आएका साझा समस्या सम्बोधन गर्न सरोकारवालाको ध्यानाकर्षण गराएका छन । यादवले कोरोना भाइरस सङ्क्रमणपछि नेपालका श्रम क्षेत्रमा भएको परिस्थितिलाई सामाना गर्न स्थानीय सरकार, प्रदेश सरकार र सङ्घीय सरकारको पहल अपरिहार्य हुने जनाएको छ ।
पत्रकार यादवले भने ‘श्रम गरेर खानेलाई मात्र राहत दिए विवादको अन्त्य हुने र जस् अपजस नहुने मात्र होइन घेराबन्दी र कुटाई खाने कार्यबाट जनप्रतिनिधि वच्ने अचुक औषधि हो ।’ काम गरेपछि मात्र राहत दिने सरकारी निर्णय कार्यान्वयन होस् भन्दै श्रमिक वर्गमा १३१ औं श्रमिक दिवसको शुभकामना दिएका छन ।
