मनोज बनैता, सिरहा, २१ बैशाख । प्रदेश नम्बर २ का प्रदेश सभासद मदन सेन प्रसाद श्रीवास्तव द्वारा सुखिपुरका साथ साथै धनगढीमाई नगरपालिकामा पनि ‘हंगर रिलिफ’ अभियान थालेका छन । प्रदेश २ का अधिकान्स सभासदहरु सेल्फ आईसोलेसनमा बसिरहेको बेला सभासद श्रीवास्तवद्वारा पिडित, विपन्न, दलित लगायत पैदलमार्गमा हिडने समेतलाई दुरी स्थापित गरि लंगर जस्तै भोजन गराउनु आफैमा एउटा उदाहरणीय कार्य हो । उनी आफै पनि खाना पकाउनेलाई सहयोग गरिराख्नु ले उनको शालिनताको परिचय दिन्छ ।
लकडाउनको प्रत्यक्ष मारमा विपन्न नागरिक परेका अवस्थालाई मध्यनजर गर्दै उनी श्री राम जानकी मन्दिर सुखीपुरको परिसरमा २५ गते देखि नै खाना खुवाई रहेका छन् र आज आईतवार देखि थप धनगढीमाई नगरपालिका ११ धनगढी बजारमा निःशुल्क खाना खुवाउन थालेका हुन । धेरै भिडभाड भई समाजिक दुरी राख्न अप्ठ्यारो हुने हुँदा सभासद श्रीवास्तव ले घर बाट एक जना आई परिवारका अन्य सद्स्यहरुको लागि खाना लग्न विपन्न समुदायलाई आग्रह समेत गरेका छन ।
