मनोज बनैता, सिरहा, २४ बैशाख । लाहान सिटी जेसिज ले लकडाउनको मारमा परेकाहरूको लागि ४१ हजार ९ सय रुपैयाँ सहयोग गरेका छन । लाहान नगरपालिका ले खडा गरेको राहत कोषमा जेसिआई लाहान ले उक्त रकम जम्मा गरेका हुन ।
जेसिआई २०२० लाहानका अध्यक्ष वसन्त साहले दिएको जानकारी अनुसार उक्त रकम बराबरको बैंक चेक लाहान नगरपालिका का प्रमुख मुनि साहलाई हस्तान्तरण गरिएको हो । युवा अध्यक्ष वसन्त साहले भने ‘यो एउटा पुनित अवसर हो मानव सेवाको, त्यसकारण हामी आफुलाई गरिब, दलित तथा विपन्नलाई सहयोग गरेकोमा गौरवान्वित महसुस गरेका छौं ।’
राहत सहयोगमा जेसिजका नयाँ र पुराना वर्षका सदस्यगणले उक्त रकम जम्मा गरेका हुन । जसमा वसन्त साह – ५१००, वर्ष २०१९ का अध्यक्ष राजु मण्डल -५०००, राकेश झा – ५०००, मोनु साह – ५०००, बिनोद महतो – ५०००, शंकर गुप्ता – ३१००, मनिष शारडा – २१००, राकेश साह – २१००, राजाबाबु साह – २०००, कासिन्द्र यादव – २०००, प्रहलाद साह – २००० र गंगा साह ले १५०० लगायतले सहयोग गरेका हुन ।
मनकारी अध्यक्ष साह विभिन्न संघ संस्थामा समेत आवद्ध रहेका छन । उनी बेला बेला रक्तदान, खेल, लागुऔषध सम्बन्धि जनचेतना फैलाउने जस्ता समाजिक कार्यहरुमा अहम भुमिकामा देखिने गरिएको छ ।
