मनोज बनैता, सिरहा, २५ बैशाख । धनुषाको कमला नगरपालिकाद्वारा निर्माण गरिएको कोरन्टिनमा रहने १७ स्थानीयको अवस्था बिजोग छ । शुरूवातमा २ जना बसेपनी हाल १७ जना कोरन्टिन गरिएका छन । बसेका सबैजसोको उस्तै गुनासो रहेको छ । उनीहरूको अनुसार हाल सम्म त्यहाँ न कुनै स्वास्थकर्मी स्वास्थ जाँचका लागि आएका छन न त कुनै सफाईकर्मी ।
कोरन्टिनमा बस्ने अक्षय पासमानको अनुसार उनीहरुलाई जनावर भन्दा पनि खराब व्यवहार गरिएको छ। मात्र एउटा चर्पी र पानी कल मा लाईन बसी सरसफाइ गर्नुपर्ने बाध्यता छ । उनले भने कोरन्टिनमा बिना समाजिक दुरी कायम गर्दै सबैलाई एकै ठाउँमा कोचेर राखिएको छ । बारम्बार जनप्रतिनिधिलाई फोन सम्पर्क गरेतापनी कुनै पहल नहुनुले हामी निराश भएका छौं पासमान ले दु:ख पोखे ।
अर्का एक जनाले भने कि सरसफाईको अवस्था सार्है चिन्ताजनक भएकोले हामी कुनै अर्कै रोगले त मर्ने हैन भनी मनमा पिरपरेको छ । उता, मेयर रामउदगार गोईत संग प्रतिक्रिया लिन खोज्दा सम्पर्क हुन सकेको छैन ।
