मनोज बनैता, सिरहा, २८ बैशाख । महिनौं देखि लकडाउनको मार झेलीरहेका सप्तरी बलानबिहुल गाउँपालिकाको बिपन्न समुदाय ले अहिले आएर राहतको श्वास लिएको छ । गा.पा ले लामो समय देखी खाद्यान्न बितरण गर्ने प्रक्रिया शुरूगर्ने भनेपनी अहिले आएर वितरण गर्न थालेका हुन ।
पालिका श्रोतले जानकारी दिएको अनुसार बिहीबार देखि खाद्यान्न बितरण शुरु गरिएको छ । बलानबिहुल गा.पा – २,४ र ६ मा राहत बितरण शुरुगरिएको छ । वडा २ मा जम्मा ४८१ घर धुरी, वडा ४ मा ७९० घरधुरी र वडा ६ मा ७५० घरधुरी का लागी पारिवारिक संख्याको आधारमा राहत वितरण मापदण्ड बनाईएको छ । ६ जनाको परिवारको लागी १५ केजी चामल, २ केजी दाल, १ लिटर खाने तेल, १ केजी नुन त्यसैगरी ६ जना भन्दा बढी पारिवारिक संख्या भएको घरधुरीलाई २० केजी चामल, ३ केजी दाल, २ लिटर खाने तेल र २ किलो नुन गरि राहत बितरण गरिएको उक्त वार्डहरुका जनप्रतिनिधि ले जनाए ।
ढिला भएपनि राहत बितरणले बिपन्न समुदायको पिडामा मलहम लगाउने काम भएको स्थानीय संचारकर्मी रासिन्द्र यादवको रिपोर्ट रहेको छ । दिघिया का रामरुप यादव र भोला देवी भन्छन् ‘अब केही दिनलाई राहत भयो, गा.पा ले अब दोस्रोपटकको लागि पनि पहल छिटो गर्नु पर्यो’
नामावली संकलनमा ढिलाईको कारणले यस्तो अवस्था आएको भन्दै बिधिवत रुपमा राहत वितरण हुँदैगरेको गा.पा अध्यक्ष दयानन्द गोईतको दावी रहेको छ । उनले राहत सामग्री सबै वडा कार्यालयलाई हस्तान्तरण गरिएको हुँदा १/२ दिनमै बितरण प्रक्रिया पूरा हुने जानकारी दिएका छन । खाद्यान्न सामग्री को गुणस्तरमा कुनै सम्झौता नभएकोले प्रतिद्वन्द्वी लाई प्रश्न चिन्ह लगाउन भारी पर्ने अध्यक्ष गोईतको जिकिर छ ।
