मनोज बनैता, सप्तरी, २९ बैशाख । बलानबिहुलमा राहत बितरण प्रक्रिया ले गति लिएको छ । सोमबार बिहानै देखि वडा -१ मा बितरण भईरहेको स्थानीय पत्रकार रासिन्द्र यादवको रिपोर्ट रहेको छ । वडा अध्यक्ष बैजनाथ यादवको कडा निगरानीमा हुँदै गरेको खाद्यान्न बितरणमा सहजीकरण को लागि स्थानीय नेता रामेश्वर यादव ले सामानान्तर सहयोग गरेको बुझिएको छ ।
उता योजनाप्रमुख रमेश मरिक यादवले समाजिक दुरी स्थापित गर्न प्रहरी हवलदार अजय कुमार झा को सुरक्षाकर्मी टोलीलाई साथ सहयोग गर्दै गरेको पत्रकार द्वय रासिन्द्र यादवले जानकारी दिए ।
लकडाउन को २ महिना बितिसक्दा बल्ल शुरु भएको राहत बितरण ले बलानबिहुल गा.पाका स्थानीयको भिन्न भिन्न प्रतिक्रिया रहेको छ । केही ले अरु गा.पा द्वारा दोस्रो चरणको तयारी भईरहदा यहाँ बल्ल प्रथम चरणको राहत बितरण हुनुलाई गा.पा को सुस्त कार्यशैली भनेर टिप्पणी गरेका छन भने अन्यले जे भएपनि राहत ले छाँक टार्न सहज भएको भन्दै सन्तुष्टि ब्यक्त गरेका छन ।
वडा १ का एक स्थानीय महिला सुजिता देवी ले भनिन ‘उहिले देखि राहतको पर्खाईमा थिए ढिला भएपनि आयो खुशी लाग्यो ।अर्को राहत बितरण छिट्टै आओस मेरो यहि हो चाहना ।’ अर्का एक महिला मुनरी देवी ले भनिन ‘ बौवा ई चाउर कते दिन चल्तौ १२ आदमी के परिवारमे ?’ उनी चामल थोरै भएकोले अरु चामल छिटै बाँड्न आग्रह समेत गरिन ।
नामावली संकलनमा ढिलाईको कारणले यस्तो अवस्था आएको भन्दै बिधिवत रुपमा राहत वितरण हुँदैगरेको गा.पा अध्यक्ष दयानन्द गोईतको दावी रहेको छ । गोईतले आजै वडा ३ मा पनि खाद्यान्न बितरण शुरु गरिने जानकारी दिएका छन । उनले राहत सामग्री सबै वडा कार्यालयलाई हस्तान्तरण गरिएको हुँदा १/२ दिनमै बितरण प्रक्रिया पूरा हुने जानकारी दिएका छन ।
