मनोज बनैता, सिरहा, ३० बैशाख । सिरहाको सखुवानन्कारकट्टी -१ मौवाहीमा रहेको जनता नमुना माध्यमिक बिधालयमा शैक्षिक र भौतिक रुपमा पारदर्शी नभएको भन्दै स्थानीय अभिभावक, शैक्षिक ब्यक्तित्व लगायत विभिन्न राजनैतिक दलका प्रतिनिधिहरुले प्रेस बिज्ञप्ती जारी गरेका छन ।
बिज्ञप्तीमा उल्लेख भए अनुसार बिधालयमा कार्यरत शिक्षकहरुको खाईपाई आएको सेवा सुविधा काटेर मनोबल गिराउने, बिधालयलाई सुचारु गर्न प्र.अ नियमित रुपमा उपस्थित नभईरहेको ले शैक्षिक वातावरण बिग्रेको साथै शिक्षकहरु बिच मनमुटावको अवस्था रहेको खुलेको छ ।
त्यसैगरी, बिज्ञप्ती मा लेखिएको छ कि ‘भौतिक निर्माण तर्फ को कामकाज को खर्च विवरण पनि पारदर्शिता नभएको अवस्था हो । साथै वार्षिक लेखा परिक्षण, बैंक स्टेट्मेन्ट र अडिट प्रतिवेदन माग्दा नदिएको गुनासो छ । त्यस्तै, गा.पा बाट प्राप्त अनुदान, शिक्षा बिभाग बाट दिईएको कम्प्युटर जडान नभएको गुनासो बढ्दो छ । प्र.अ यादव संग २०६८/६९ देखि हालसम्मको आय-ब्यय समेत माग गरिएको छ ।
उता, प्रधानाध्यापक रामपृत यादवले असन्तुष्ट पक्षको माग लाई छिट्टै सम्बोधन गरिने जानकारी दिएका छन । उनले भने ‘कामको सिलसिलामा असन्तुष्टि हुनु जायज हो, मैले यसलाई सकारात्मक रुपमा लिएको छु । सकभर छिट्टै सम्पुर्ण आम्दानी खर्च विवरण सार्वजनिक गर्नेछु।’
