मनोज बनैता, सिरहा,३१ बैशाख । लकडाउनको शुरूवात देखिनै दैनिक रुपमा विपन्नलाई खाद्यान्न सहयोग गर्दैआएका महेश चौधरी र संगिता कर्माचार्यको बारेमा विभिन्न पार्टीका नेताकार्यकर्ता डाहा गर्दै आएका छन । कसैले समाजिक संजालमा ‘यिनीहरु सुटुक्क रातो गाडीमा आउछन् र राहत बाँडेर जान्छन् ” भन्दै पोस्ट गर्न भ्याएका छन । यता महेश चौधरी भने त्यस्ता आलोचनालाई बेवास्ता गर्दै आएको बुझिएको छ । न्युज मधेस संग कुरा गर्दै चौधरीले आफ्ना आलोचकहरुलाई भने “अहिले राजनीति भन्दा माथि उठी आफ्नो मानवता देखाउने बेला हो । आऔ हामी सबै मिली पहिला भोका पेटहरुलाई अन्न देऔं बाकी हुँदै गर्छ।’
नगरपालिकाबाट राहत नपाएकाहरुलाई खोजी गर्दै राहत वितरण गर्न समाजसेवी तथा नेपाली कांग्रेसका नेता महेश चौधरी र नेपाल महिला संघका केन्द्रिय सदस्य संगीता कर्माचार्य सक्रिय छन । यी जोडी ले वडा नं. १५ मोहनपुरमा गाँउका मुसहर बस्तीमा ३० घरधुरी लाई प्रति परिवार १० किलो चमाल,१ किलो दाल,१ कोलो आलू ,१ किलो नून बितरण गरेका छन भने अरु ठाउँमा बितरण जारी रहेको अवस्था छ । चौधरीको अनुसार उनलाई यसकार्यमा माखन भोग स्वीटस एण्ड चार्ट संचालक रोशन अग्रवाल ,लक्की इंटरप्राइजेजको प्रो. सन्तोष साह , शुभलक्ष्मी ईन्टरप्राजेजका संचालक अशोक चौधरी, लहान स्थित श्रेया पोलिकिल्निकका संचालक डा.शुशिला सिंह लगायतले आर्थिक रुपमा सहयोग गर्दै आएका छन ।
